Page 13 - HOH

E si tin prueba cu despues di su prome tratamento di stem cell e ta sinti hopi miho
compara prome cu e la biaha na februari. E cambionan ta drastico. Un instituto di long
no ta bai tuma bo como charts nan no ta tuma un persona como pashent si nan no ta
sigur cu e tratamento di stem cell ta funciona. E instituto di long na Tampa Merca, tin su
porcentahe di dies aña cu nan ta trahando cu pashent pa nan mehoransa di COPD.
Despues di e tratamento pashentnan cu COPD cu ta usa oxigeno 24 ora pa dia
despues di dos tratamento no ta usa e aparato den dia y por a sigui traha y tin un bida
normal. E malesa no ta cura pero si e por bira miho. Cu otro palabra e calidad di bida ta
bira miho. Pa hendenan cu ta huma, mester stop di huma, e sigaria so no ta factor di e
malesa aki pero tin otro factor pa motibo di medio ambiente, auto immuunziektes y tin
seis diferente malesa di pulmon cu ta asma, bronchitis cronico, fecsma, COPD
esakinan ta malesanan cu tin di haci cu pulmon.

Aki tres pa cuater luna Sra. Nathalin Lin ta haya sa pa e bai pa su di dos tratamento cu
ta enserra beenmerg y e tratamento di sanger veneus. Esaki ta loke e la haci caba den
e prome tratamento. Awor tin e choice di haya tur dos hunto y e tratamento aki ta duna
e curpa un boost pa mira si por stop di usa e mashin di oxigeno pa 24 ora. Un pashent
cu haci e tratamento aki no ta haya un garantia di biba di 1 of 2 aña pero cu e malesa
aki por biba aña pa aña. Segun Sra. Lin cu e tratamento aki nos ta mira pa biba 1 aña
mas. E tratamento di stem cell ta haci e cell nan nobo y esey kiermeen no ta tur aña
mester bai tuma stem cell.

Ta tuma e tratamento aki tres den e prome biaha, cu ta parti den dos aña y despues di
esey e celnan mes ta genera y bira nobo. Sra. Lin ta sigui bisa cu e tin un otro carta cu
e ta manda pa AZV, unda e ta bai wak si AZV lo bolbe nenge su tratamento. Sra. Lin ta
haya cu e trato aki ta un discriminacion si AZV nenge su tratamento, pasobra no mester
di aprobacion di dokter di Hulanda cu no a wak un pashent nunca y ta bira puro
descriminacion. Sra. Lin ta bisa tambe cu e por trece como prueba cuater pashent cu a
haya stem cell, tres na Aruba y uno na Hulanda. Un di nan di joins a bise cu despues di
su tratamento no tin mester di opera mas.

Su rudia ta miho, e tratamento e la hacie na Aruba mes y no a paga ningun florin pe.
Sra. Lin ta bisa, si AZV ta bisa cu stem cell ta den experimento, pero si ta paga pa rudia
y leukemia dicon pa pulmon no? Pesey awor e no ta pidi mas pero ta exigi pa e por
haya su tratamento. Pasobra no ta husto pa subi caya pidi placa pa haya tratamento
siendo cu e tin derecho riba dje. Personalmente AZV, nunca no a jame riba su situacion
pero solamente via television por a tende di su caso pa medio di e vocero di AZV.
Siendo otro pashentnan cu AZV tambe a nenga si tabatin cita serca nan. Ta bai pidi
atrobe pa su tratamento y wak kico ta e caminda cu tin di cana. Sra. Lin ta haya cu
mester tin un opcion kico AZV lo por haci pe. No ta pasobra mi malesa no tin cura, ta
kita mi for di lista, manda mi cas y pone mi den un lachi anto lubida riba mi caso. Sra
Nathali Lin, ta sera su entrevista y ta bisa cu e ta un ser humano cu derecho.