Page 15 - awem10march

AWEMainta Diabierna, 10 Maart 2017 15

Nora Eleonora candidata riba

lista RED Democratico

RIBA Dia Internacional di Hende Muhe na cas di
Laura Wernet-Paskel na Sta. Cruz, partido politico
RED Democratico a anuncia drs. Nora Eleonora
como candidata riba e lista blanco pa eleccion na
september proximo.
Drs. Nora Eleonora ta bon conoci den mundo di
enseñansa aki na Aruba, mescos cu den asuntonan
social y cuido.
Tambe riba tereno internacional sra. Eleonora a move
den e areanan aki. Actualmente e ta trahando como
facilitador di workshops na Instituto Pedagogico
Arubano y na Universidad di Aruba.

Su casa, Roland de Rooy, a introduci e candidata
den un forma cu ta simbolisa balor familiar y e grupo
grandi di simpatisador y amigonan a ricibi sra. El-
eonora cu hopi entusiasmo.
Den su discurso di aceptacion drs. Nora Eleonora
a referi n’e soño di cada Arubano di ta doño di su
propio destino.
Segun e candidata e soño aki a spat for di otro
despues cu partidonan den Gobierno - uno tras di
otro - a hipoteca nos isla di tal forma, cu ta obliga-
cionnan impone riba nos dor di debe ta dicta kico ta
pasa den nos pais.
E realidad politico ta mustra cu e asunto di un solo
partido den Gobierno cu mayoria absoluto den Par-
lamento ta mescos cu ora ‘pone pushi cuida pisca’.
E situacion ey no a combini nos como pais, pasobra
no tabatin control adecua dor di Parlamento.
Mas aleu e candidata di RED Democratico a mustra
cu mester uni nos pueblo atrobe dor di desaroya un
economia di inclusion; esta caminda cada miembro
di nos comunidad ta participa.
Pa logra esaki ta necesario pa haci inversionnan serio
den entre otro educacion, riba tereno social y den
salud publico.

Nora Eleonora a splica tambe cu partido RED Demo-
cratico a haci cambionan significante durante di ul-
timo añanan y cu e ta ancioso pa comparti e partido
nobo aki cu pueblo.
El a adverti si cu apesar di e cambionan e partido
blanco a keda fiel na su principionan di vakminister-
schap, control politico adecua y respet pa fondonan
publico.
Politica Eleonora a indica cu mester bin cambio den
nos sistema politico pa evita mal gobernacion. E sa
cu partidonan grandi lo purba spanta pueblo y bisa
cu cambio den nos sistema politico no ta necesario.
Pesey drs. Nora Eleonora a termina su discurso ci-
tando ex-Presidente Mericano Roosevelt: “E unico
miedo cu nos como pueblo mester tin ta: E miedo
di tin miedo”.