Page 20 - UTILTIES 1ST JUNE 2017

15.000 Panel Solar ta produci 5.9 MW den Sunrise Park na
San Nicolas

Wednesday, 31 May 2017 20:25
Comparti

WEB Aruba NV despues di a bin ta cumprando energia for di e diferente fuente cu ta produci coriente den forma
alternativo, a pasa pa introduci un concepto nobo: Web Owns and Operate (WOO).
Pa logra construi nan prome parke di panel solar, a drenta den acuerdo cu un compania Spaño di renombre
mundial: ISOTRON y su subsidiario ISASTUR. Durante e ceremonia di groundbreaking di e parke solar na Lago
Heights e empresanan aki a wordo representa pa Antonio Alvarez Ruiz.
ISOTRON, S.A. ta un compania Spaño estableci na 1989, di cual ISASTUR ta un subsidiario di dje, cu ta realisa
trabou den area di ingenieria, fabricacion, montahe y instalacionnan electrico.
E empresa Spaño ta encarga pa construi e parke solar di mas grandi na Aruba, riba un area di 92.000 m na Lago
2
Heights. Un parke cu ta bay produci 5.9 MW di coriente. Jose Antonio Alvarez Ruiz, Commission General di Isastur
y miembro di directiva di ISOTRON cu cualnan WEB tin un acuerdo pa cu e Parke, a hiba palabra durante e
ceremonia di groundbreaking, unda un panel cu varios panel solar a sali for di suela.
Alvarez Ruiz den su discurso a bisa di ta un honor grandi di traha riba un proyecto internacional asina importante,
den cual tin partnernan di renombre mundial. Ta un orguyo, el a bisa, di por traha riba un planta cu lo bay percura
pa un energia mas limpi pa e pueblo di Aruba, manera nan a bin ta haciendo caba na Reino Uni (United Kingdom),
Romania, Argelia, Morroco, Bolivia, Brasil, Chili, Cuba, El Salavador, Mexico, Peru, Uruguay, Venezuela y awor
Aruba.
E proyecto cu nan ta bay construi ta encera 15.000 panel solar pa produci 5.9 MW di coriente, cu ta preveni e
emision di mas di 7000 ton di carbon dioxide pa aña. Nan ta calcula cu e construccion ta tuma 32 siman “y mi ta
spera cu mi ta un invitado na inauguracion di e parke solar aki. Boso por ta sigur cu ISOTRON lo entrega un
producto di calidad.”
Desde october di aña pasa WEB Aruba a cuminsa e proceso pa busca informacion di diferente compania
internacional y local, cu lo por ehecuta e proyecto di parke solar aki conhuntamente cu WEB. Un total di 64
compania a manifesta nan interes pa forma parti di e proyecto mediante un ‘bid’. Den e siguiente fase, despues di
a selecciona 10 candidato, a ricibi e ofertanan oficial di cual e compania ISOTRON a sali ganado.