Page 7 - MIN VOS

AWEMainta Diahuebs, 1 December 2016 13

Presidente di Parlamento, drs. Mervin Wyatt-Ras:

Parlamento ta

masha activo e

luna aki cu

diferente reunion

Ainda ta spera riba presupuesto supletorio

PRESIDENTE di Parlameto, drs. Mervin
Wyatt-Ras a elabora encuanto diferente reunion
cu tin cu tuma lugar ainda prome cu fin di aña.
El a menciona e reunionnan di Parlatino e siman
aki. Pa cu esaki lo tin banda di reunion di e comisi-
onnan e Asamblea Anual durante cual lo aproba
entre otro tur e leynan marco cu a trata durante
e aña anterior y tur pais lo ta reuniendo hunto pa
duna na sosten n’esakinan.

Alabez diferente Vice-Presidentenan di Parlatino
lo reuni pa fiha e agenda y pa prepara e asamblea.
Por bisa cu Parlamentarionan ta representa den dife-
rente tema, e.o. di salud, energia, medio ambiente,
agricultura, husticia, enseñanza, asuntonan politico,
hubentud, niñez, hende muher y derechonan di
consumidor.

Wyatt-Ras ta trece dilanti cu contrario na loke ta ser
pensa, e reunionnan aki sigur ta y a beneficia nos pais.
P.e. pa medio di sosten di coleganan y tambe durante
Eurolat den pasado a logra sostene mocionnan aproba
den reunion na Aruba contra di un ley pa saca hoben-
nan Arubiano y Antiano for di Hulanda.
E tempo ey por a nota e importancia di e sosten La-
tino Americano y di Caribe.

Alabez ora cu diferente pais presenta nan leynan
marco, nos tambe por haci uzo di esakinan pa imple-
menta nan tambe den nos paisnan.

Pa loke ta trata otro reunionnan cu tin pendiente
na Parlamento por menciona pa otro siman esun di
e presupuesto di Raad van Advies y esnan di Land-
slaboratorium y AZV.
Alabez den e di dos siman di december lo bay over na
trata e presupuesto di DOW y un ley cu ta regarda
FCCA.

Wyatt_Ras ta menciona cu Parlamento alabez ta den
spera di e presupuesto supletorio y asina cu esaki
drenta e lo ser poni riba agenda.