Page 15 - MIN JUS 4 MARCH 2017

32 AWEMainta Diasabra, 4 Maart 2017

Trahador di KIA Ramon Todd Dandare
Awe nochi na Cas di Cultura

ta bati maestro di lo ser reconoci pa su

Pieter Boer School trayectoria y logronan

AWE nochi durante competencia di Arte di Palabra na Cas di
Cultura, dos persona lo ser reconoci durante di e mirando nan
trayectoria y logronan.
E aña aki, Comision Arte di Palabra Aruba, a propone pa duna
reconocemento na un persona cu a aporta grandemente na e
desaroyo di nos idioma materno Papiamento.
Considerando e curiculo extenso di e persona rib’e tereno aki, a
tuma e decision di nombra Mag. Ling. sr. Ramon Todd Dandare
pa aña 2017.

Ramon Todd Dandare a nace na Colombia na 1942 y a establece
na Aruba na 1952.
Na 1969, el a slaag pa Spaño M.O. na Universidad di Amsterdam.
El a duna les na Colegio Arubano, na curso di L.O. na Aruba y
di M.O.-A na Corsou.
Na Universidad del Valle na Cali (Colombia) el a obtene su
Grado di Magister den Linguistica na 1975. Di 1976 te 2002, el
a traha na Instituto di Lenga Arubano, cu te 1985 a forma parti
di Instituto Lingwístiko Antiano.

Fo’i 1967 e ta lucha pa Papiamento su reconocemento como
Lenga Nacional di Aruba, Boneiro y Corsou. Continuamente e ta
presenta charla y publica estudio tocante Papiamento y a participa
na numeroso conferencia tocante idioma. El a dirigi curso di Pa-
piamento di Di Tres y di Di Dos Grado na Instituto Pedagogico
Arubano y ta docente di Fonologia y Gramatica.
Na Facultad General di Universidad di Corsou e ta docente di
Lingüistica. El a forma parti di Comision di Standarisacion di
Papiamento y di Comision di Ortografia di Aruba, como tambe
di e Grupo di Gramatica di Papiamento y di e metodo di Papia-
mento “Mosaiko/Cristal” pa Enseñansa Secundario.

UN caso serio a tuma luga diabierna atardi, caminda un tata
a subi tereno di Pieter Boer School na San Nicolas pa bati un
maestro. Esaki a sosode den presencia di demas maestranan.

Durante pauze, e maestro lo a hala atencion di un alumno, cu
despues a bay conta su tata, kende ta un trahado di KIA. E
tata a presenta na e scol insistiendo pa drenta, pero el a wordo
avisa cu e no mag. El a dicidi pa warda te ora e meastronan
a cuminsa bay cas pa ataka e maestro.

E tata tabata compaña pa mas persona cu a stroba e mae-
stranan pa yuda nan colega.

Finalmente, e tata a bandona e sitio. E maestro e wordo atendi
na Centro Medico, pa despues bay entrega un keho oficial.