Page 40 - ARUBA BANK

surplus di 25 miyon. Sinembargo, e realidad tabata otro: gobierno a bin haya un deficit
di casi 300 miyon florin.

Na e momento ey gobierno a analiza kico nan por haci pasobra nan no kier a pone

esaki riba lomba di pueblo, a tuma diferente paso, a corta presupuesto di gobierno mes
te na weso, cu ta haci dificil hasta pa funciona, pasobra tin ministerionan hopi compleho
manera esun di Husticia, cu mester di mas hende pa yude, pero a limita e cantidad di
personanan pa traha cu nan.

A baha presupuesto di e ministerionan cu 20 miyon florin, compara cu e gobierno
anterior, e dignatario a reitera. Ainda no tabata suficiente y a bay un paso mas leu pa
sigui hala faha mara pa wak con por baha e gastonan mas ainda. A bay cerca

companianan estatal pa nan tambe baha nan gastonan na diferente forma. Pa prome
biaha a pidi nan duna un extra dividendo, pa gobierno por a yega na yena e buraco di
300 miyon. Tampoco esaki tabata suficiente, y bay wak e ora ey con pa cobra e
belastingnan cu tin riba caya. Con pa cobra nan. E mandatario a menciona cu nan

constata cu tin hopi cu nan ta yama “big fish” cu no ta paga belasting manera mester
ta. Tin di nan ta sali for di Aruba den forma legal, semi legal y ilegal, sin paga belasting.
Tur esey no tabata suficiente, y asina gobierno a haya su mes forza na introduci e
“crisis heffing”.

E mandatario a subraya cu no tabata algo facil pero si doloroso, y gobierno sa cu e ta
causa inflacion.

Loke gobierno a purba haci ta duna compensacion mas tanto cu tabata por manera
trece alivio pa e pensionado door di baha e prima di AZV, a hisa e reparatie toeslag pa
esnan cu ta gana sueldo minimo, pero no por a duna mas compensacion e momento
ey.

E resultado ta real. Costo di bida a aumenta y esey tin gobierno hopi preocupa. E ta un
dolor cu gobierno ta comparti, pero mester no lubida for di unda esaki a bin. Y cu si no
a atende cu e origen di e problema, lo a keda pasa esaki pa e siguiente generacionnan.

Gobierno a dicidi pa carga responsabilidad aunke no ta nan a causa e problema ni e
situacion dificil di Aruba, pero si pa solucione, e dignatario a enfatiza.