Page 42 - ARUBA BANK
P. 42
CAFT: Aunke presupuesto 2019 ta
cumpli cu norma, mester mas medida
Posted on 10/11/2018 3:34 pm AST | Updated on 10/11/2018 6:22 pm AST
ORANJESTAD – Mientras cu gobierno di Aruba ta cumpli cu e norma di deficit
financiero pa 2019, (-0.5%), e colegio di supervision financiero di Aruba (CAFT) ta
recomenda 4 medida pa tuma, entre otro den cuadro di gastonan di personal pero
mas cu bista riba e finansas publico sostenible. E conseho di 6 pagina largo di e
colegio di supervision riba e presupuesto 2019 a keda publica diahuebs riba nan
website. Y e colegio ta remarca tambe cu ainda no tin un protocol firma cu ta duna
CAFT legalmente e autorisacion pa controla e presupuesto pa 2019. E siman aki
ainda prome minister Evelyn Wever a duna e noticia cu CAFT a aproba e
presupuesto 2019. Loke e no a bisa ta kico e puntonan di atencion ta cu gobierno
mester traha ariba, aunke el a bisa si cu tin punto cu mester traha ariba.
NADA DI PROTOCOL
