Page 30 - MIN JUS

Polis ta confisca mas cu 300 mata di marihuana na
Macuarima

Sunday, 28 May 2017 22:34
Comparti

Diadomingo atardi laat birando anochi polis a wordo dirigi na Macuarima 111 caminda lo
tabata tin un discucion saliendo for di man entre omo y subrino.

Aki polis a presenta na e sitio y e omo cu ta bisinja di su mesun subrino a declara cu su subrino
ta bende droga. Aki polis no a basila y puntre si e sa unda e droga nan ta. Door cu e subrino ya
caba a bandona e sitio, e omo mes a habri e cas pa polis por a bin listra. Aki polis a bin topa cu
masha hopi cabes di marihuana, grinder, saconan chikito, placa y varios cos mas pa uso y pa
bende. Esey no tabata tur pasobra polis tabata haya holor fuerte y segun e omo e mester tin
mas den cunucu. Polis a bay den cunucu y ta canta bingo. Nan a bin haya en total 301 mata di
marihuana planta. Tamanjo cuminsando di chikito te na 1.60 meter. Polisnan presente a yama
e superiornan y a start un investigacion hunto cu departamento di droga y asina a confisca tur
mata di marihuana y tanto pochinan di marihuana. Tur a ser transporta pa warda di Santa Cruz
pa asina traha un rapport. Sigur polis lo bay busca e subrino cual mester bay duna cuenta di
tur e matanan aki cu ta su propiedad.