Page 35 - MIN JUS

Ta busca Minguel Schneiders di 22 aña como e asesino cu a
tira mata pafo di Molen

Sunday, 28 May 2017 11:17
Comparti

Siman pasa tabata tin un caso di tiramento pafo di molen unda a mata un homber naci na Haiti. Despues cu e
departamento di Noord ta haciendo investigacion, ainda no a logra pone man riba e sospechoso. E sospechoso ta
conoci pa husticia. A base di tur informacion acumula y declaracionnan haya for di prome instante a logra haya sa
kende ta e autor di e asesinato.

Pesey mes mirando cu ainda no por topa cune, Ministerio Publico den nomber di Fiscal mr. C.D.KARDOL ta pidi
detencion di e sospechoso Erick Arturo Minguel Junior SCHNEIDERS, conoci of yama “Minguel”, E ta naci na Aruba
29 december 1994, biba na Meiveld 33 y/of Piedra Plat 54-A, na Aruba. E sospechoso ta wordo considera peligroso y
tin arma di candela. E ta wordo sospecha den terminologia husticial pa overtreding van de artikel 2:262 c.q. 2:259
van het Wetboek van Strafrecht van Aruba en art. 3 Vuurwapenverordening. Ora di detencion di parti di Polis mester
pasa e sospechoso mesora pa e departamento di recherche na Noord. Nan ta investigando e caso pafo di Molen.
Cualkier persona cu sa algo ta ser pidi pa please tuma e medidanan di cautela necesario y no hinca nan mes den
peliger.

Djis yama sea central di polis na 100 of yama e tip lijn di polis cu ta 11141.