Page 38 - MIN JUS

Vice Presidene di Hof: Dor cu Kia ta yena cu criminal pisa e
recidivista cu ta criminal leve mester bay liber

Sunday, 28 May 2017 13:49
Comparti

Casonan di droga pa un gran parti tambe ta envolvi Arubianonan, pero e ehecutornan hopi biaha ta Venezolano of
Colombiano riba e continente. E intermediario, ta crusa boto pa asina trece e negoshi, hopi biaha ta hendenan di tur
caminda y di ningun parti. Pero semper ta hende cu ta pafo di Aruba.

Si bo ta wak’e hopi biaha of riba atraco, hopi biaha ta hendenan cu no ta descendencia Arubiano, pero semper tin un
Arubiano envolvi, cu por indica unda pa bay, cu tin poco probabilidad di siguridad manera tiendanan cu poco
camara etc.

Den algun caso tin agresion cu ta wordo uza, cual ta algo universal cu ta sosode. Bo por bisa cu e cantidad di
hendenan di afo den casonan asina ta grandi, pero localnan tambe sa ta envolvi.

E parti di recidivista ta algo cu tambe ta resalta cerca corte. Vice Presidente di Hof, Peter Lameire durante e
conferencia a splica tambe con ta distingui e situacion ora ta gara e hendenan. Tin biaha tin criminalidad mas pisa cu
ta hunga rol den cierto situacion. E ta splica cu tin hopi recidivista cu pa un motibo importante ta wordo wanta. Esey
por wak’e cerca adictonan, cu tin riesgonan recidivista. Droga ta un problema y alcohol den trafico tambe. Loke bo ta
mira tambe cu ta resalta ta e diferencia entre e prome termino 2002-2005, tin hopi mas control den trafico ta wordo
teni. Tin instrumentonan cu polis ta uza pa midi alcohol den rosea y ta haci cu e detencion pa alcoholiconan den
trafico, a aumenta.

Encarcela y despues laga den libertad

Un di e preguntanan cu a wordo haci na Lameire ta cu tin biaha ta gara e recidivistanan aki, pero despues ta laga nan
los, cu a desata varios comentario no mucho alentador den comunidad. Segun Lameire, un di e motibonan pakico ta
laga nan los, ta pasobra den pensamento di polis, no tin mucho evidencia pa por concretista e aresto. Tambe den
concepto di hues comisario, no tin rason pa detencion y ta pesey ta lage bay. Di parti di maneho di ministerio
publico, tambe por bin e suposicion cu ta warda luga den KIA pa un criminal cu tin un castigo mas pisa y no ta
necesario pa cera un recidivista den e instituto coreccional. Tin hopi suposicion cu ta yega na un motibo. Y si wanta e
persona aki, e ora tin cu libera un detenido mas pisa. E ta keda na Ministerio Publico y riba e responsabilidad di e
hues, segun Lameire.