Page 36 - MIN JUS

Tin chens cu lo bay parti multa si uitzendbureaunan no
cumpli cu ley

Sunday, 28 May 2017 13:56
Comparti

Nick Kock, director di departamento di labor, a splica nan ta preparando como inspeccion laboral, bay controla e
funcionamento di nos uitzendbureaunan riba mercado laboral. E ta bay bin. Loke e momento cu e lo bin ta bira tiki
sorpresa, pero ta depende tambe e momento cu nos handhavingbeleid ta full cla, cu e inspectornan tin tur sancion
posibel pa por actua mas fuerte cu ta posibel.

Entre otro parti multa. E ta casi cla pa sali bay riba caya y bay controla. Na momento cu inspeccion laboral, por
ehempel bay un Setar of un Elmar y topa un trahado stranhero, trahando por ehempel a base di un
uitzendovereenkomst, of trahando a base di un arbeidsovereenkomst mes, pero uzando e construccion di uitzending,
of trahando den un funcion cu no ta cuadra cu e meta di e werkgever cu a tum’e den servicio. Tur esey ta
posibilidadnan cu tin. Na momento cu constata esey na un compania, e inspeccion laboral e ora ey tin e autoridad, pa
multa e uitzendbureau pero tambe e compania cu a haci uzo di e uitzendkracht aki na un forma no corecto segun ley.
Pio si kier bay bira mas streng cu kier parti multa. Ora bay e direccion ey cu ta mishi cu cartera cu werkgevers cu no
ta cumpliendo cu ley, e inspeccion laboral lo wordo mas respeta y e lo tin un efecti preventivo. Na momento cu sector
priva tende cu ta wordo actua riba cosnan cu ta contra ley y cu hasta ta bay exigi placa di nan, pasobra nan no a actua
corecto, e ora otronan lo bay ta mas cauteloso con nan ta uza e trahadonan stranhero y esey lo drecha nos mercado.
Ta keda si cu mester keda controla. E no ta bira un accion di un biaha, pero riba un base structural. Importante ta cu
si constata cu ta actua y cu e medidanan cu ta actua, tin efecto riba e comportacion di werkgever y uitzendbureaunan.