Page 13 - AWEMAINTA

Dialuna, 1 April 2019 AWEMainta 13

Varios chauffeur deteni den fin di siman

DIASABRA mainta pa mas o menos 7’or polis a bay ariba

Green Corridor, altura di Wayaca Falls pa un accidente di trafico.
Na yegada nan ta haya un Toyota Yaris color shinishi, cu lo a ac-

cidenta un distancia hopi mas pariba.
Pero asina mes e chauffeur kier a sigui move cu e auto. Ariba e

caminda por a mira e marca largo cu a keda atras. Polis a consta-
ta cu e chauffeur hoben no tin rijbewijs y a detene. Takelwagen

mester a move e auto for di caminda.
Esaki no tabata e unico chauffeur deteni den fin di siman. Diasa-

bra marduga polis a bay e crusada di Julianastraat cu Irenestraat
pa un boksmento. Na e sitio polis a topa cu un taxi y un Santa

Fe. Segun nos a compronde di e taxista, e tawata bayendo nort
ariba Irenestraat y e Santa Fe na su man robes tawata bin di

Julianastraat. Na stuur di e Santa Fe tawata un dama burachi,
e no ta duna e taxi Toyota Rav preferencia.Mirando cu e muhe

ta burachi polisnan a detene y transporte pa warda. Hunto cune
tawata su amigo cu tambe tawata burachi y kier haci fastioso.

Deteni pa un tiki droga

DIABIERNA atardi patruya di Noord ta capta

momento cu un homber a bay cumpra droga na
un cas patras di Semeleerstraat.

Mesora patruyanan a bira bek y a bay over pa de-

tene e homber.
Nan a pidi transportwagen, y na su yegada ela

hiba e homber aki warda.

Na unda e homber a cumpra droga ta un adres
conoci pa polis, pues manera nan ta wordo yama

den boca di pueblo “Drive Thru”.

Na warda probablemente lo sinta cu e homber y
haci’e algun pregunta.

Loke hopi hende a y lo puntra ta dicon polisnan
no a baha y atende cu esnan cu ta bende e droga.