Page 9 - AWEMAINTA
P. 9
Dialuna, 1 April 2019 AWEMainta 9
Accidente cu basta daño y herido na rotonde Sasaki
DIADOMINGO den oranan trempan di
mainta, presencia di polis y ambulance ta wor-
do pidi cu urgencia na e rotonde nobo pabou
di Superfood, riba Sasaki.
Chauffeur di un Toyota Yaris Blanco tabata
biniendo di panort pa un of otro motibo, no
ta brake na tempo y ta dal hopi duro contra e
muraya di e rotonde nobo aki, mesun forma cu
algun siman pasa un persona a perde su bida.
E impacto hopi fuerte aki a laga e chauffeur
gravemente herida, ela haya basta sla na cabes.
Despues di a logra saca e victima for di e auto
personal di ambulance a trat’e y cu hopi urgen-
cia a transport’e pa hospital.
Aparentemente ta falta mas aviso of algo cu ta
obliga e chauffeurnan pa baha nan velocidad
paso nan ta yegando un rotonde peligroso y cu
nan mester pone tino, baha velocidad of para.
E ta e mesun rotonde unda tabatin un acci-
dente fatal un siman prome y unda cu taba-
tin varios accidente prome cu el a habri caba.
Esey ya caba ta un indicacioncu falta algo mas
pa alerta e chauffeurnan. Y e problemanan ta
anochi, no solamente cerca chauffeurnan bebi
pero esnan bon tambe. Pues mester bini mas
advertencia.
