Page 29 - MIN ECEM_Neat

Gateway 2030 ta diseña y dirigi na alivia aeropuerto su restriccionnan di capacidad, e
experiencia di e pasaheronan y e sostenibilidad p’asina pone aeropuerto riba un caminda
pa crecemento continuo p’e decadanan nos dilanti.

Durante e periodo di 2017 – 2020 AAA lo bay inverti un total di 300 miyon dollar.

“Nos ta hopi contento di por cuminsa cu e proyecto di expansion hunto cu NACO p’asina
crea un aeropuerto cu Aruba lo por ta orguyoso di dj’e. Nos tin tur confiansa cu hunto cu
NACO su experticio nos lo garantisa un aeropuerto expandi mas berde y mas ameno pa e
pasahero cu lo mehora specialmente e experiencia di e pasahero cu ta bay Merca na e
unico aeropuerto di Aruba”, segun CEO di AAA sr. James Fazio.
Asina cu e proyecto ta cla pasaheronan lo benificia tambe di 3 porta di avion mas y dos
terminal di bus adicional percurando asina pa un manheo di fluho di pasahero mas lihe pa
nan avion y for di nan avion ora di yega. Tambe lo tin un seleccion mas amplio di tienda
y lugarnan pa come y bebe, mas espacio pa pasahero circula y otro servicionan.

Paul Govaerts, director di NACO, a comenta: “Nos ta spera cu gran expectacion di por
continua nos relacion di hopi aña cu AAA. Nos equipo di diseño ta ofrece un
combinacion di hopi experticio mundial y local pa expande e aeropeurto, y asina crea un
miho experiencia pa e pasaheronan y tambe impulsa e desaroyo economico den e region.”