Page 30 - MIN ECEM_Neat

Prome Minister Mike Eman mes man na obra cu un ploeg:
Trabaonan di limpiesa a cuminsa for di mainta tempran na

varios boca

Monday, 29 May 2017 13:18
Comparti

Nos tabata na un di e bocanan caminda cu tabata afecta, cual ta Boca Prins. Prome Minister, Mike Eman,
a yega na e sitio tempran y tabata duna un man, hunto cu un ploeg, na e boca aki. Mescos cu e boca aki,
tabata tin mas hende cu ta trahando.

Manera cu den conferencia di prensa a duna informacion, a sigui durante e ultimo dianan e desaroyonan
pa loke ta trata e posibilidad cu locual a sosode na Trinidad cu tabata tin un derame di petroleo for di un
tanki lo por a yega tambe nos islanan. Kustwacht ta haci supervision durante tur e dianan y no a nota un
mancha di petroleo manera cu tabata teme. Pero si Boneiro y Klein Curacao a cuminsa constata patchnan
chikito di crudo bastante duro cu ta yega riba e beachnan y naturalmente ta haci daño. Pesey a tuma e
decision cu durante e dianan aki lo pone na tur e bocanan, vooral panort di Aruba, ploegnan pa traha pa
haci limpiesa di biaha pa purba haci e beachnan limpi, minimalisa daño na nos naturalesa y tambe na
nos bestianan maner parha. Na e boca tin areanan caminda cu turtuga ta pone webo. Ta un trabao cu ta
duro pasobra e cantidad di e patchnan tin biaha chikito of grandi, pero nan ta hopi y nan ta bin
continuamente. Tin cu haci limpi, keda haci limpi. Si bo mira bon, ta mira tur e ceronan di santo tur tin e
patchnan aki y esaki ta locual ta bay sefta pa asina por separa e patchnan di crudo aki, cu danki Dios ta
poco duro, cual ta haci mas facil pa por hala nan cu halado y cu shovel. Ta pasa smooth riba e beach y
asina por kita nan for di e superficie di e beach y haci’e limpi. Ta un trabao hopi manual di hopi
dedicacion, pero si tur haci’e hunto tin mas of menos 350 persona den e ploegnan di Serlimar y DOW
hunto y ta bay pone nan den tur e bocanan, traha den un forma di ekipo. Hunto tambe cu diferente
expertonan cu tin riba tereno di flora y fauna pa sigura cu tur precaucion ta wordo tuma. Na e mesun
momento tambe cu un sosten grandi for di comunidadpa por sigura cu si e trabao mira mas grandi cu e
350 personanan, por haci, pa pidi tambe asistencia di voluntarionan.

E beachnan parti zuid ta ok. A haci sondeo y investigacion tambe na e dos rifnan dilanti di refineria,
caminda cu den e dianan aki hustamente tin un calculacion di 30 parha ta bay pone webo di Boebi y lo ta
algo hopi dramatico si e crudo aki lo yega tambe maske cu e no ta un vlek, pero e patchnan aki, parhanan
tin biaha nan ta kiboca pa cuminda y siguramente tin consecuencia fatal si nan come nan. Pa e motibo ey
te awor aki ta contento pa tende for di e prome sondeo cu no a wak nada riba e rifnan di e patchnan aki.
Naturalmente ta keda vigila tambe pa e banda zuid di Aruba. A palabra cu DOW tambe cu e boeinan cu lo
no traha banda panort, pasobra lama ta bruto. Posiblemente den un lama mas trankil e por yuda un tiki,
pero ta keda cu e patchnan aki ta un tiki pisa y nan no ta flora full riba awa. Nan ta un tiki bao di e awa y
e ora ey e boeinan no ta catchnan tampoco. Esey ta haci cu practicamente no por haci nada pa evita cu
nan ta yega tera, y pa ora e yega bo tin cu haci e trabao cu ta haciendo desde awe mainta, ora cu e prome
patchnan a yega, e trabao di limpiesa inicia.