Page 17 - BNDIA ARUBA
P. 17
A16 HENDE HENDE A17
Diabierna 5 OctOber 2018 Diabierna 5 OctOber 2018
Aruba Ports Authority ta celebra hubileo cu su empleadonan fiel
ORANJESTAD - Recientemente Aruba Ports Authori-
ty (APA) tabata di fiesta pa celebra hubileo di un grupo
di empleado. APA ta hopi contento di por celebra cu
un grupo cu a demostra compromiso, lealtad y discip-
lina pa hopi aña caba.
Ta hopi importante pa por dispone di empleadonan fiel cu ta
brinda servicio di calidad na bienestar y progreso di e econo-
mia di Aruba. P’esey tambe ta cu orguyo ta celebra e hecho cu
un grupo di empleado a celebra entre 25 y 35 aña di servicio
cu APA, segun un comunicado di APA.
APA sigur ta orguyoso di por conta cu personanan cu a dedica
nan bida pa yuda APA cumpli cu pais Aruba. E exito di APA
y di Aruba ta bini danki na contribucion di cada un di e em-
pleadonan fiel aki pa cual e hecho cu nan ta cumpli asina hopi
aña di servicio ta algo di celebra.
Esunnan cu a cumpli 35 aña di servicio ta: Lucia Yarzaga-
ray -Danje; Mirna Castillo Gil-Croes; Segundo Werleman
y Thomas Wolff. Di otro banda tin Raymond Kock kende a
celebra 25 aña cu APA.
Cada un di e empleadonan ta hunga un rol importante den
e trabou diario di APA, pa cual gerencia ta gradici cada un y
tambe nan famia cu a permiti nan dedica asina hopi di nan
tempo na APA.
