Page 14 - AWEMAINTA
P. 14
14 AWEMainta Dialuna, 27 Mei 2019
Polis a detene homber cu a dal amigo un tubo den cara
DIASABRA anochi Polis a wordo avisa di un
caso di maltrato na altura di Priki Food Center,
unda un homber lo a wordo gedal cu un tubo den
cara.
Na yegada di Polis nan a topa cu e dos hombernan,
uno cu un golpi na cara. Nan tabata papia “manera
nada un pasa”.
Ambos ta biba eybanda mes, den diferente kamber
cu ta wordo gehuur. Polis a constata cu e homber-
nan aki a bebe, mirando nan comportacion.
Cada un tabata acusa otro di algo y eynan tabata
unda e discusion a bay for di man. Segun e agresor,
esun cu el a dal a saca un machete pe y na su turno
el a pasa man pa un pida hero.
Cu e hero aki ela dal e den su cara.
Pero e version ey lo no tabata cuadra y Polis a bay
over na detene e agresor despues di algun rato. E
tubo cu el a usa tambe Polis a confisca. El a wordo
geboei y hiba warda. Mientrastanto e Paramedi-
conan cu a yega n’e sitio a atende cu e amigo her-
ida.
E golpi no tabata di e serio ey, pero si tabata un
orea cu ta haci dolor.
