Page 15 - AWEMAINTA
P. 15
Dialuna, 27 Mei 2019 AWEMainta 15
Adicto Juancho sendi
na candela den forno
di kalki na Rancho
DIASABRA atardi unidadnan di rescate a bay cu
urgencia e caya di Kowloon Restaurant bay pabou.
Den e forno di kalki (Kalkoven) lo tabatin candela y
den dje tin un persona.
Na yegada nan a topa cu un homber adicto,
cu kemaduranan na varios parti di su curpa.
Segun esnan den becindario e homber tabata drumi
eyden, y un hende muher kende tambe ta adicto lo
a sende na candela.
Hendenan cu tabata eybanda a papia di un tal Mexi
kende lo a sende e candela. Si t’asina, e mesun un
muher aki lo a purba sende candela di Oficina di
Monumentenbureau.
Dos ambulance a presenta pa atende cu e adicto cu
tabata den basta dolor. E adicto cu a comete e acto
no tabata presenta mas n’e sitio.
Paramediconan despues di e logra pone e adicto riba
e stretcher a sali cune cu urgencia pa Hospital.
E forno n’e sitio tabata saca un holor hopi desagrad-
abel, un indicacion cu adictonan lo por ta use tambe
pa haci nan necesidadnan. Brandweer a logra paga e
candela ora nan a yega.
Polis na final a pidi pa Recherche, debi cu ta un caso
basta serio.
