Page 16 - AWEMAINTA

16 AWEMainta Diahuebs, 30 Augustus 2018

Un total di 146 Polis a huramenta, a haya nan promocion of diploma

RECIENTEMENTE na Academia di Husticia
q.e.p.d. Sr. Watty Vos a tuma luga un ceremo-
nia protocolario pa 146 polis. Diferente agente
policial a ricibi nan promocion, diploma y studi-
antenan di polis a huramenta. Na e ocasion aki
un multitud grandi di famia y amigonan por a
presencia un momento special.
Minister di Husticia Sr. Andin Bikker y Alto
Comisario di Polis Sr. Andrew Hoo. a hiba pa-
labra na e publico presente y na e polisnan cu
ta sirbi nos pais. Pa e polisnan studiante esaki
ta un etapa nobo na unda cu nan lo cuminsa cu
e fase di stage pa asina prepara nan mes pa por
subi caya. Pa e polisnan cu a ricibi nan diploma
awor ta conta cu nivel mas halto di profesion cu
ta carga su responsabilidad pero cu profesional-
ismo pa sirbi nos pais.
Durante e ceremonia a otorga diploma na klas
di 2015 MBO nivel 4, 2016 nivel 3, klas nan
2017-1 y 2017-2, Diploma MKO - Midden
Kader Opleiding y a promove klasnan pa agen-
tenan di Primera klasse 2013 di brigadier y 2019
brigadier primera klasse y ademas a huramenta
klasnan 2017-1 y 2017-2.
Comunidad por conta cu sosten di mas polis
profesional y studiantenan nobo cu ta bay ini-
cia nan carera policial. Mas blauw riba caya pa
siguridad di nos ciudadanonan ta nan prioridad.
Cuerpo Policial Aruba ta sigui conta cu e sosten
y apoyo di nos comunidad. Nos lo sigui traha
pa combati criminalidad y duna un man na nos
comunidad. Bisti e uniform tur dia ta pa asina
duna e servicio, integridad y seguridad pa grandi
y chikito.