Page 76 - ATA

E Prome “Active Shooter Awareness Seminar” Teni

Na Aruba

 Local
- 27/06/2019

Organisa pa AAA, den cooperacion cu JetBlue Airlines y Cuerpo Policial Aruba

Aruba Airport Authority N.V. (AAA) den colaboracion cu JetBlue Airlines y Cuerpo
Policial Aruba (CPA) recientemente a organisa e prome Active Shooter Awareness
Seminar cu mas di 240 participante.

E proposito di e 2 sesionnan tabata pa brinda concientisacion riba incidentenan cu un
“Active Shooter” y pa ekipa participantenan cu tipnan y conseho kico pa haci pa
sobrebibi un incidente asina.

Durante e sesion di mainta, cu a wordo atendi p’e cabesantenan di skolnan local, JetBlue
Airlines a presenta su “Safe Schools Program” y a enfoca riba e efectonan di un susedido
di un Active Shooter na skol.

Un sobreviviente di un tiroteo tragico na skol na Merca a comparti su storia y a elabora
riba e fundacion cu el a cuminsa despues di su experiencia.

CPA a comparti con nan ta prepara nan mes pa responde na incidentenan asina y a duna
tambe tipnan valioso con skolnan por laga nan propio maestro y alumnonan prepara
plannan con pa salba bida di otro den un caso asina.