Page 77 - ATA

E sesion di atardi su enfoke tabata mas riba e comunidad di aeropuerto y a inclui un
ehercicio “Table Top” guia dor di JetBlue Airlines. Aunke cu a usa un scenario di
aeropuerto, e lesnan cu a wordo siña por wordo aplica den cualkier situacion di
trabou/bida.

CPA a comparti su experiencianan di e drill recien cu a wordo teni na aeropuerto y a
pone hopi enfasis riba e importancia di trainingnan di preparacion continuo.

CPA tambe a comparti algun tip importante pa sa con pa reacciona y actua den un caso
asina.

CEO di AAA sr. James Fazio a indica cu Aeropuerto di Aruba ta un di e aeropuertonan di
mas druk den e region di Caribe, cu 29 diferente aerolinea cu ta contribui n’e
procesamento di mas di 2.5 miyon pasahero pa aña y p’e motibo aki e ta Aeropuerto su
tarea pa proteha usuarionan di e infrastructura critico aki.

Un incidente di Active Shooter hopi biaha ta pasa den algun seconde, pero lo tuma varios
minuut prome cu Polis por yega n’e sitio.

Segun James Fazio e ta crucial p’e comunidad di aeropuerto ta conciente y prepara pa
incidentenan asina, aunke cu ta pensa cu esaki no lo pasa na Aruba. James Fazio a
aplaudi e cooperacion entre e entidadnan cu recientemente a organisa e Active Shooter
drill na aeropuerto mirando cu e tipo di trainingnan aki ta trece e concientisacion entre tur
hende cu ta parti di e comunidad di aeropuerto.

“Safety ta nos balor principal, y nos ta consider’e importante pa colabora cu nos
partnernan y miembronan di comunidad pa siña prevencion y e comportacion adecua den
scenario di peligro,” asina sr. Jose Figueroa, JetBlue Director of Corporate Security for
International Markets a bisa. “Concientisacion y preparacion ta esencial pa sigura safety,
y nos ta agradecido na Gobierno di Aruba, Cuerpo Policial Aruba, Aruba Airport
Authority N.V., nos crew membernan y partnernan pa yuda nos ofrese e “Safe Schools
Program” na Aruba.”