Page 93 - ATA

Organisa Dor Di A.T.A – AHATA Y Aruba Airport

Authority: ATCA 2019 Ta Constata Cu Merca Y

Canada Ta Desaroyando Fuerte Y Prometedor

 Featured
- 27/06/2019

E siman aki, nos destinacion un biaha mas ta anfitrion di un conferencia turistico
internacional, e biaha aki ta trata di e di 35 edicion di ATCA 2019 – Annual Tourism
Conference Aruba.

Diamars anochi a yama un bon-bini caluroso na tur participante durante un recepcion
cual a wordo patrocina dor di Renaissance Aruba Resort & Casino na Renaissance
Private Island.

Diarazon mainta e apertura oficial a tuma lugar na Renaissance Convention Center, unda
Minister President sra. Evelyna Wever-Croes a habri e conferencia, expresando su
gratitud na tur e participantenan cu ta haciendo Aruba nan prioridad pa bende den
exterior y asina atrae e bishitantenan pa disfruta di nos bunita destinacion.

Minister di Turismo sr. Danguillaume Oduber a elabora riba e importancia di e industria
di turismo pa Aruba, elaborando cu Aruba ta un isla hopi diversifica cu orientacion
internacional, pero uno cu ta trata di mantene y acentua mas su cultura propio, loke nos
bishitantenan ta encanta.

Tambe a subraya e hecho cu e mercadonan Mericano y Canades ambos ta sumamente
importante pa pais Aruba.