Page 94 - ATA
P. 94
BIAHERONAN INTERNACIONAL Y SU NIFICACION PA ARUBA
Durante su presentacion, CEO di Aruba Tourism Authority Ronella Tjin Asjoe-Croes a
ilustra e.o. riba turismo internacional. SKIFT cu ta un compania internacional bon conoci
den e industria di biahe cu ta haci analisis di aerolinea –hotel – turismo en general –
industria di crucero etc., den un raport recien ‘Global Travel Economics 2019–2029’ a
menciona cu ‘biahe internacional ta un di e industrianan cu ta mustra desaroyo mas
impresionante ultimo añanan, algo cu ta proyecta cu lo continua.’
Basa riba data historico di e Organisacion Mundial di Turismo (WTO) tabatin 494 miyon
salida nobo di biaheronan internacional over di e ultimo 10 añanan. Segun pronosticonan
di SKIFT, esaki lo bira 507 miyon salida di biaheronan nobo p’e siguiente 10 añanan!
Esaki kiermen cu e industria di biahe riba nivel internacional ta floreciendo. Tambe a
remarca cu e manera cu turismo ta wordo crea, mercadea y consumi lo sigui transforma
na un manera rapido.
E ROL DI ARUBA TOURISM AUTHORITY
Aruba Tourism Authority ta moviendo continuamente y den e ultimo 2 aña a finaliza
algun proyecto importante di cual dos di nan ta: Capacidad di Carga (finalisando esaki) y
e asina yama ‘Niche Road Map’.
Ambos ta duna un guia transparente cu strategia y accionan cu e principionan di guia con
pa mihor anda cu e presencia y e futuro.
Aña pasa a finaliza e ‘Aruba Tourism Authority’s multi-annual corporate strategy’ p’e
periodo di 2018-2021. Ademas a defini e aspiracionnan pa cu e siguiente añanan te cu
2025, hunto cu strategia y participacionnan necesario pa awe y e futuro.
E nucleo di Aruba Tourism Authority ta pa brinda prosperidad pa Aruba dor di turismo
sostenibel. Den esaki tin tres tema cu ta guia e aspiracion pa 2025: Inovacion,
sostenibilidad y liderazgo.
