Page 21 - BNDIA ARUBA

A21
deporte Diabierna 26 OctOber 2018

Resultado final di torneo internacional di ahedres

ORANJESTAD – Durante fin
di siman a tuma luga e torneo
internacional di ahedres “Aruba
Chess Challenge”.

E torneo aki, a wordo hunga den 3
diferente grupo.
Un grupo U-12, pa nos muchanan
bou di 12 aña,caminda cu a participa
20 mucha den e categoria aki.
Un grupo U-18, pa nos hobennan
bou di 18 aña, caminda cu a participa
6 hungado. Motibo di e cantidad
abou di participante ta, pasobra
diabierna tawata tin scol y no tur
mucha por a haya liber pa participa
na e torneo internacional aki.

Un grupo Open, unda hungadonan
di tur edad por participa. Akiden a
participa 16 hungado. 2 hungado di
Venezuela y un hungado di Rusia.
Un total di 42 participante. E
torneo a wordo hunga den SIMAR
building na Sabana Blanco.

Den grupo U-12, e prome luga
a bay pa Thamara Sagastegui.
Thamara a score 8 punto for di 9
partido. Na segundo luga tawata tin
un empate entre Aimara Ballestero
y Patrick de Roo. Ambos a score 6
½ punto for di 9 partido. Aimara a
haya contrincantenan mas fuerte y
a keda na segundo luga y Patrick na
tercer luga.
Patrick tawata e miho hungado
bou di 10 aña. Pero door cu ya e la
bay cu e tercer premio, e premio
pa miho hungado bou di 10 aña a
bay pa Lucas Isaiah Jong-a-Lock di
Surinam.
Miho hungado bou di 8 aña a bay
pa Kian Ng.

Den grupo U-18, e prome luga
a bay pa Thamara. Thamara a
participa den grupo U-12 y U-18
y a gana den ambos grupo e prome
luga. Un bunita logro pa Thamara
cu ta tambe su ultimo aña cu e por
participa den e grupo U-12.
Segundo luga den U-18 a bay pa
Juan Thijssen y tercer luga pa Ryan
Strick.
Premio pa e miho hungado bou
di 16 aña a bay pa Nathan Croes y
premio pa e miho hungado bou di
14 aña a bay pa Juan Keanu Vrolijk.

Den e open group, e prome luga
a bay pa e Rusiano Vitaliy Kiselev.
Vitaliy a gana tur su partidonan.
Segundo luga a bay pa Alexander
Hernandez di Venezuela. Alexander
a score 5 punto. Na tercer luga
tawata tin un empate entre Jose
Alejandro Colina (Venezuela), Jose
Pesqueira (Aruba) y Brian Diaz
(Aruba). Jose Alejandro Colina
tawata tin mas punto di resistencia
y a keda na tercer luga. Jose (Chelo)
Pesqueira na di luga y Brian Diaz
na di cinco luga.

E premio pa e hungado local cu a
presta miho a bay pa Jose (Chelo)
Pesqueira.