Page 5 - AVB

Nos Ta Drenta Un Fin Di Siman Interesante Di Copa

Don Elias Mansur Despues Di Bunita Apertura Y

Batayanan Fuerte

 Deporte

- 11/09/2019

Diahuebs anochi, Copa Don Elias Mansur 2019 a inicia den Stadion Guillermo Prospero
Trinidad na Dakota. Prome cu e partido entre RCA y Nacional a inicia cu un ceremonia
di apertura unda a duna homenahe na nos baluarte den futbol, sr. Edwin Dirksz como
tambe Famia Mansur cu pa 21 aña ta patrosina e CDEM.
Presidente di RCA, sr. Ditto Acosta a hiba palabra unda el a repasa e trayectoria
impresionante di e miembro di honor di R.C.A. sr. Edwin Dirksz kende sigur tabata e
mas grandi cu Aruba a yega di conoce como futbolista, pero tambe como entrenador di
futbol.
Edwin tambe a practica deporte di Judo y tabata un gran cabayista. Na mesun momento
RCA como e organisador di e Copa Don Elias Mansur a reconoco e balor di famia
Mansur cu pa decadanan ta patrocina R.C.A. y pa 21 aña a kere den e torneo di futbol cu
semper a fungi como un pre-campeonato.

Presidente ASU, sr. Gerald Franca a gradici Serge Mansur pa su gran aporte, pero tambe
a elogia q.e.p.d. sr. Don Elias Mansur mirando cu e tabata un persona cu a coopera masha
hopi cu deporte en general na Aruba.
E prome saca di bala a wordo efectua pa bisanieto di sr. Edwin Dirksz, Ki-Jean Ras y
hunto cu Serge Mansur. Presente tambe tabata hungadornan di INRO cu ta
compañeronan di sr. Edwin Dirksz.