Page 6 - AVB

E mesun anochi tabatin dos partido di Poule A, unda R.C.A. ta gana Nacional 4 pa 1 y
Urataka Center, Man of the Match tabata Ronald Gomez. Caravel ta empata cu Dakota 2-
2 y na penalties Caravel ta gana 4-3, aki UC Man of the Match a resulta Kenrick Dania.
Diabierna anochi a continua cu Poule B, La Fama ta cay venci 3-0 contra di Britannia.
U.C. Man of the Match tabata Owen van der Wijde y Brasil Jrs ta perde 2-0 cu Bubali
unda Antonio Lopez tabata Man of the Match.

Diasabra anochi tur wega ta cancela pa motibo di e situacion cu coriente. Diadomingo ta
bira e dia grandi cu mas di 300 hende den stadion. La Fama y Brasil Jrs. ta empata 2-2 y
na penalties La Fama ta gana 4-1. U.C. Man of the Match a bira e Keeper di La Fama
Gilbert Bautista. Britannia ta bolbe vence den gran forma, e biaha aki contra Bubali 2-0.
U.C. Man of the Match a resulta Francis van der Linden di Britannia, kende tambe a haya
un infraccion lamentabel. Organisashon Tricolor ta desea Francis pronto recuperacion.

Dialuna anochi tabata e Gran Clasico di Aruba unda R.C.A. ta gana Dakota 2-0 cu dos
gol Ronald Gomez, kende ta bolbe sali Urataka Center Man of the Match.
Diamars anochi den un wega masha interesante Nacional ta gana Caravel 2-1 y Man of
the Match ta bira Deibis Olivares, kende a score un gol y duna un asistencia.
Fin di siman benidero lo ta grandisimo, diahuebs anochi pa 7or RCA vs Caravel, sigi pa
Dakota vs Nacional.
Den e poule aki niun team ta elimina y niun team a clasifica ainda pa semi-final.
Diabierna tambe lo tin wega unda pa 7or La Fama lo topa Bubali y e ganador lo clasifica.
Pa 9or Brasil Jrs cu ta elimina vs Britannia cu ya caba a clasifica. Diasabra anochi lo
continua cu e 2 weganan di semi-final. Diadomingo e programa ta extenso cuminsando
5:30 cu Inter vs Roma den 45plus.
Pa 6:30 damas di RCA vs Seleccion di Aruba. Pa 8or di anochi e gran final Copa Don
Elias Mansur 2019.