Page 66 - MIN JUS

loke a causa un incidente riba un avion, no por causa tambe incidentenan di e avionnan di e mesun tipo.

Problema
E avion tabata tin problema di presorisacion. Awor aki ta bezig cun'e ainda. Tin biaha mester mas tempo
pa analisa precies kico a pasa. Pesey ta bezig ta colectando informacion. Ta responsabilidad di e aerolinea
pa wak kico a pasa y mustra esey na Aviacion Civil y convence nan cu e medidanan cu a wordo tuma ta
satisfactorio y e avion wordo drecha manera mester ta segun proceduranan prescribi pa e fabricante pa e
por lanta vuelo atrobe bek.

Ki dia
Kelly a sigui splica cu tin un incidente cu a sosode na December y esey ta un incidente cu ta bezig ta wak
cu tin di haber cu e topico di presorisacion di e avion.

Un cos tin cu bisa cu Insel Air a reacciona hopi bon, den sentido cu nan ta cooperando hopi bon cu e
instruccionnan. No ta algo facil pa para asina hopi avion di un aerolinea, pero e mester a wordo haci.
Aviacion Civil ta gradicido cu e cooperacion haya y e motibo cu ta trahando den fin di siman tambe ta
hustamente pa haci tur posibel pa e avionnan cuminsa bula bek mas lihe posibel.
Cuanto por dura

Awor aki ta dificil pa bisa cuanto por dura pa e avionnan por bula bek. Ta depende di e velocidad cu nan
ta traha riba dje. Di e documentonan cu nan entrega tambe cu por mustra y convence Aviacion Civil cu
tur cos ta na ordo y e ora ta laga e avionnan bula bek atrobe.
E sa pasa hopi

Esaki ta algo cu ta pasa hopi den aviacion. Loke ta particular aki ta cu hopi avion na mesun momento.
Esey no ta usual cu ta para asina hopi avion na e mesun momento. E biaha aki e mester wordo haci pa
sigura cu ta algo cu no tin e mesun problema den tur avion di e flota.

Tabata tin combersacionnan prome cu esaki, pero e decision a bay gradualmente tambe. A para dos
avion, despues dos otro y diabierna dos avion mas. El a bay gradualmente, pero e necesidad pa haci'e
tabata tey na momento cu e decision a wordo tuma.
Tin cu agrega cu ayera tabata tin un reunion cu Insel Air Aruba hopi satisfactorio y nan ta cooperando
hopi bon. Ta spera cu pronto e avionnan por wordo released atrobe, den un forma gradual tambe, Kelly a
splica.