Page 75 - MIN JUS

Presidente di Parlamento: Ora e edificio nobo di Hospital
keda cla lo e cumpli cu criterianan internacional y lo mester

facilita mas y mihor servicio na pashent

Sunday, 29 January 2017 14:16
Comparti

Presidente di Parlamento, Mervin Wyatt-Ras, ta enfatisa cu como miembronan di Parlamento ta importante pa ta
informa di tur topico. Asina tambe a bishita Hospital pa obtene informacion encuanto di e ampliacion y renobacion.
E proyecto ta den un fase basta avanza. Por bisa cu tin e toren nobo pa pashent, e medical office building, e
parkeerplaats pa empleadonan situa na e parti west di edificio cu ta cla y a finalisa e entrada special pa Ambulance.

Ta construyendo awor e edificio nobo di 6 piso pa brinda cuido na pashentnan, den cual lo inclui un departamento
pa mucha, un “spoedeisende hulp”, un centro di ginecologia y un centro di parto. Lo agrega e cambernan di
operacion cu lo mester cumpli cu criterianan moderno y tambe lo kier agrega e afdeling di ICU tambe pa cumpli cu
reglanan mas actualisa.
SOGA ta e fundacion cu ta doño di e edificio. Meta di SOGA ta pa construi y mantene edificionan pa Gobierno. Ya
den pasado a traha tres edificio, esta e oficina di Impuesto y Departamento di Finansa situa na Camacuri, e oficina
unda Aruba Tourism Authority ta situa na L.G. Smith Boulevard y e edificio di DOW y DIP na Wayaca. SOGA ta
construi y tambe mantene e edificionan. Den pasado esey tabata un di e retonan mas grandi di Gobierno, pa por a
mantene su edificionan.
Den caso di e proyecto di Hospital SOGA a percura pa financiamento y pa maneha y mantene e edificio nobo pa 25
aña largo. SOGA ta partner cu AIB-Bank. E suma ta di 252.7 miyon florin, cu ta inclui gastonan di construccion, 4
aña di supervision, compra di e edificio actual, pago na arkitecto, preparacion, etc.
A haya un recorrido den e edificio. Por bisa cu lo tin algun retrazo pero ora finalisa e lo ta un edificio “state of the art”
moderno cu lo cumpli cu reglanan internacional pa garantisa mihor cuido y servicio y cu lo haci posibel cu ta atende
nos propio pashentnan y lo por facilita cooperacion cu otro paisnan den mundo medico y por haci posibel turismo
medico. Wyatt-Ras ta e enfatisa turismo medico en bista cu nos pais tin cu busca otro formanan di turismo pa por
keda mantene nos pais atractivo en comparacion cu otro paisnan y pa asina tambe nos pais por genera placa. Wyatt-
Ras cu durante IPKO tabata di bishita na e Hospital nobo den construccion na Corsou ta spera cu ora ambos
Hospital keda cla lo por coopera cu otro pa loke ta trata diferente specialismo cu ta bira posibel den e hospitalnan. Ta
keda cu ora nos hospital nobo keda cla ta di importancia pa dokternan, specialistanan, enfermero(a)nan y tur otro
personal den e cadena di cuido lo por traha hunto den cooperacion cu otro pa garantisa mihor referencia, cuido y
nazorg pa nos hendenan. Parlamento lo mester keda haya mas informacion encuanto e progreso di e proyecto y ta
keda den espera di esaki.