Page 19 - bon-dia-aruba-20180815

A19
DEPORTE Diaranson 15 augustus 2018

Team Snor cla pa bira internacional

ORANJESTAD – Recientemente den e ya mundial-
mente famoso Domino Square Garden na Calabas,
esta 99 Bar & Restaurant, e flagrante team Snor a sa
di triunfa ariba nan rivalnan di bida, esta team Caba
Co'! Mirando con e cara di lider di Caba Co' a trek di
disgusto, e score no tabata nada di canta macamba pa e
trabuconan di Team Caba Co', ya cu e anochi aki team
Snor a sa di demostra ta pa kico nan ta e team cu ta bay
ariba un gira internacional!
Ya na cuminsamento di anochi caba por a ripara cu algo no
ta ‘pluis’ cerca team Caba Co! Pa 8or ya Team Snor tabata
presente den ful forsa, cu nan uniform custom made pa cada
hungado! Sinembargo, nan rival tabata drenta style di un
cranchi cu a keda habri...druppel pa druppel...un pa un...poco
poco, style di "no pusha mi, mi mes ta bai", e integrantenan di
team Caba Co' tabata drenta Domino Square Garden. Varios
fanatico sinta ta warda tabata puntra si wega a wordo cancela
pa motibo di tsunami of horcan, pero al fin al cabo, e bataya
por a cuminsa!

Tin cu bisa cu en general team Snor antes tabata soda pipita
ora nan enfrenta Team Caba Co', pero e biaha aki cos a bay
smooth, cu bela yen Snor y su compinchinan a tuma rumbo
pa yega 21! Cu score convincente di 21 - 16, team Snor ta gana
su eterno rival! Den un entrevista exclusivo cu lider di team
Snor, esta Snor Perez, esaki a declara cu aki un luna nan ta
cuminsa un gira internacional caminda nan lo bay demostra
mundo kico ta e arte mortal di pega piedra! E ruta lo hiba
nan via Tokyo, Bangkok, Moscow, Paris, y finalisando na Wil-
lemstad, Corsou! Cu curiosidad nos a dal un google chikito,
of manera nan ta bisa na La Roca, un goggel, ariba e website
internacional di Domino for Dummies, y nos a bin ripara cu
di tur e partinan menciona di e gira, ta Corsou so te awor ta
confirma! Nos ta desea team Snor hopi exito y triunfo ariba
su gira internacional!