Page 10 - WEB

DIARIO a haya diferente reaccion relaciona cu e asunto aki ya cu sigur esaki ta un
actitud hopi iresponsable di parti di e sindicato di e compania di utilidad cu ta
suministra coriente na henter e isla.

Kico lo sosode si ta pone Aruba plat? Hopi cos lo sosode. No solamente cu henter of
gran parti di Aruba lo keda sin coriente pero tur actividad lo keda paraliza.

Que hubo di aeropuerto? Unda ta drenta y sali turista cada rato. Hotelnan, cu ta

depende di e suministro pa keda duna servicio na e guestnan. Maske ta pone un
generator pa algun ora esaki sigur ta un mal impresion pa nos bishitantenan.

Awor, ban papia di comercio. Kico lo sosode cu nos comercio? Nan tambe lo keda

paraliza pasobra no lo por brinda servicio. No tin airco, no por uza e caha, computer, no
lo por uza e mashinnan pa haci transaccionnan, etc, etc. Kiermen, no lo tin entrada e
dia aki pa comercio.

Waf tambe lo paraliza y tur accion pa entrada y salida di container, trabaonan di duana
lo wordo afecta!

Awor ban sigui cu e sector laboral en general. Tur compania y departamento lo stop.

Logico! No tin luz, no tin airco, no tin computer, no tin internet. Tur hende man cruza
pasobra no por traha! Tur servicio lo wordo suspendi.

Scol? Nos muchanan tambe lo wordo manda cas pasobra mayoria di klas tin airco y

mester di coriente pa ilumina e salonnan. Ken lo atende cu e muchanan mientras cu
hopi mayor no ta bay ta na cas?

Sigur un situacion hopi serio y un accion basta iresponsable di parti di e sindicato di

Elmar NV.

Kico e hendenan aki tin den nan cabez ora di a pensa riba un idea asina descabeya?
Esaki ta un accion basta extremo. Pakico pueblo henter tin cu bay carga tur e

consecuencianan? Ta preguntanan cu mesa di redaccion di DIARIO a haya durante di
diaranzon.