Page 21 - MIN ECEM

12 AWEMainta Diaranson, 21 December 2016

Representando e

marca mundial Adidas

Famia Jansen

ta sigui inverti

pa mehora su

productonan
Prome Minister a reconoce

e trabou di famia Jansen

DIABIERNA ultimo tabata un momento special ora cu Sport Caribe, represent-
ante di e famoso marca Adidas a habri su sede nobo den e mall di Renaissance,
net na e skina cu ta keda cara pa caya principal.
Prome Minister Mike Eman tabata presente y a repasa e historia di famia Jansen
den mundo di deporte, pero tambe como inversionistanan den negoshi di mate-
rialnan deportivo, di e marca Adidas.

“Famia Jansen ta bon conoci pa hopi aña caba na Aruba como promotornan di
atletismo y materialnan deportivo Adidas. E marca aki a compaña nos pa hopi
decada den mundo di atletismo y otro ramonan deportivo. Pero tambe ofreciendo e
mas ultimo productonan di e marca aki pa deporte”, Prome Minister Mike Eman a
trece dilanti den su discurso na apertura di e tienda nobo di Adidas y Sport Caribe.

E tienda completamente renoba y moderno pa Prome Minister Eman ta un muestra
di confiansa cu un inversion gigantesco a wordo haci.
“Nos ta hopi orguyoso di esaki y kier felicita e propietarionan, famia Jansen, pa e
inversion haci aki. Esaki ta otro contribucion mas na e oferta cu ta wordo brinda
na consumidornan den centro di ciudadnan.”

Adidas, e mandatario a expresa, no ta bini unicamente cu e productonan, pero
tambe cu e experencia di e ambiente deportivo. El a duna e ehempel cu Adidas
den pasado a contribui pa transmision di weganan mundial di futbol, cu pantay-
anan grandi.
Mas di e actividadnan aki cu deportistanan grandi a yega Aruba y ta sigui bin riba
invitacion di Adidas, ta contribui na e experiencia di un bishita na centro di ciudad.

Diabierna den un ambiente deportivo famia Jansen completo a ricibi nan invita-
donan pa apertura di e tienda nobo cu ta e prome franchise di Adidas na Aruba.
Entre e invitadonan por a presencia Prome Minister Mike Eman y su distinguida
esposa Doina, Minister di deporte Alex Schwengle, representantenan di Adidas
di e region y varios otro caranan conoci.

Prome Minister Eman a haya un par di keds di Adidas cu a wordo traha di plastic
recicla cu ta wordo saca di lama. El a aprecia e gesto aki masha tanto mes y den
un discurso cortico a duna muestra di su aprecio pa famia Jansen cu a promove
atletismo masha tanto mes na Aruba.
Esaki ta un inversion grandi cu ta muestra di confiansa den economia di Aruba.
E otro par di keds recicla a wordo bendi eynan pa medio di opbod pa un bon causa
cu a wordo gana pa Inspector Kramers. Despues cu atletanan a bin coriendo for
di caya y pasa e cinta drentando e tienda, esaki a keda oficialmente habri.

E tienda cu ta situa na e skina di Wilhelminastraat y Caya Principal ta bon ekipa
cu lo ultimo riba tereno deportivo. Pabien famia Jansen, specialmente Harry Jan-
sen, pabien Sport Caribe y Adidas cu su franchise na Aruba.