Page 24 - MIN ECEM

16 AWEMainta Diaranson, 21 December 2016

T’aki Tin cu Jeon en bibo den Caya Grandi

Gaita y tiendanan habri te laat

ULTIMO dianan prome cu Pasco lo ta grandi den Caya G.F. Betico
Croes. T’Aki Tin atrobe tin un programa di orario extendi, musica
y alegria prepara pa entretene e cantidad grandi di cumpradonan
cu ta spera. E programa aki ta cuminsa, manera custumber, for di
diahuebs caba. Diabierna tin presentacion en bibo di Jeon y diasabra
cu ta bispo di Pasco, tiendanan lo ta habri te cu 4’or di atardi.

Riba diahuebs 22 di december, tiendanan lo ta habri te cu 8’or di
anochi. Den Caya lo tin presentacion di Gaita Los Paranderos du-
rante oranan di atardi.
E ambiente aki ta ripiti riba diabierna 23 di december, cu presenta-
cion adicional di DJ Rustica.
E mesun anochi aki tambe lo tin Jeon cantando en bibo den Caya
Grandi.
Considera pa hopi como Artista di Aña, Jeon (Jonathan Thiel) ta
interpreta di e. o. ‘Dushi Bida’ y ‘Hend’i Mondi.’

Diasabra cu ta dia 24 di december, esta ‘Noche Buena’, tiendanan
ta habri te cu 4’or di atardi aunke ya caba hopi di a duna di conoce
cu nan lo ta dispuesto pa keda tanten cu tin persona cumprando.
Durante ultimo tres fin di siman T’Aki Tin a percura pa un sfera di
compras sumamente dushi Caya Grandi y centro di ciudad; e siman
aki no lo ta diferente. Bin y disfruta di e dushi ambiente di fin di aña.