Page 62 - MIN ECEM

Andin Bikker bou presion despues di join Forsa Nobo

Tuesday, 20 December 2016 22:39
Comparti

E decision di Andin Bikker pa join Forsa Nobo a cay den masha mal tera cerca candidatonan riba su lista.
Sostenedornan riba lista y votadornan ta kere cu e decision di Andin tabata esun robez. E solo hecho cu Andin Bikker
a sali bisa cu den conseho di partido a aproba esaki, no ta berdad. Ta dos of tres hende mas cerca cu voz den e
partido a sostene Andin Bikker riba su decision di join Forsa Nobo y acepta number dos.

Otronan cu tabata sostene e partido no a aproba e decision y ta rabia cu e lider di PDR. Diaranzon parce tin interes di
un reunion caminda cu puntonan basta serio lo bin dilanti. Esaki lo bira un reunion cayente unda esnan disgusta lo
expresa nan mes fuertemente. Nan no ta kere cu Andin Bikker mester a core den pura tuma un decision. Claramente
por mira cu Otmar a sa di manipula Andin Bikker y lage tuma e decision mas desastroso di su bida den Politica.
Kizas un banda Andin poco desespera a core acepta pasobra e ta kere cu esaki por yude drenta gobernacion. Loke el
a lubida ta cu Otmar ta y lo keda un minister hopi dudoso . Ni su coleganan por a traha cune. Ademas masha hopi
votadornan cu a sostene Otmar a laga sa publicamente durante un evento yen yen bishita cu nan ta cu AVP.
Hendenan cerca di Otmar no ta sostene den Forsa Nobo pasobra el a tuma decision sin sikiera consulta cu nan.
Otmar a logra loke e tabata kier. E candidatonan y votadornan disgusta di PDR a laga sa cu Otmar mas bien ta usa
Andin pa e cantidad di votonan cu e tin. Otmar ta cuminsa na nada y a logra convence Andin cu ta mustra un
desesperacion pa drenta gobernacion. Te hasta e sostenedornan di PDR a mustra cu e ta mustra mas bien un
oportunista. Dia cu Otmar a lansa e partido den Cas di Cultura el a monta henter un show lagando Andin den un
scuridad total. Andin un politico considera limpi awor a join un partido lidera pa un politico hopi dudoso y cu su
propio coleganan di gobernacion a expresa con e ta traha. Ademas Andin Bikker mes sa precies ken y con Otmar
tabata move. Pesey awe su votadornan y varios colega di partido ta cla pa join otro partido pa e simpel motibo cu nan
no kier ta parti di Forsa Nobo unda Andin practicamente a entrega su alma cu un politico cu mas bien tin un meta y
esey ta garantiza su entrada bek cu e votonan di PDR. E chens ta grandi cu si nan saca un simpel asiento, Andin mes
ta keda afo.