Page 36 - ATA

DIRECTOR NOBO DI KVK
Pa trece claridad riba ken lo bay asumi e puesto cu sra. Velthuizen ta lagando habri, KvK
ta informa cu esaki lo ta den persona di sr. Martijn Balkestein.

Sr. Balkestein ta un persona cu ta conoci pa su carera largo den ramo di economia y
estadística, cu a eherce cu profesionalismo y integridad.

Den pasado el a fungi como Director di CBS y a traha tambe na APFA, pues tin
conocemento amplio riba e tereno di economia y data analisis. Martijn Balkestein a bin ta
traha tambe como consehero di Minister di Finanza, Xiomara Ruiz Maduro.

Esakinan ta importante mirando cu KvK lo kier trece mas informacion dilanti a base di
analisis di datonan di registro y e mercado.

Anteriormente caba sr. Balkestein tabata un di e candidatonan potencial cu a solicita p’e
puesto di Director. E biaha aki den e proceso nobo pa re-emplasa sra. Velthuizen KvK a
acerca e.o. su persona pa wak si e ta dispuesto pa asumi e reto y el a acepta.

KvK lo continua bou maneho di un Director nobo kende sigur lo continua cu e bon trabou
cu e Director anterior a sa di brinda.