Page 58 - MIN JUS

Lider di MEP no kier traha ni riba su propio iniciativa di ley
entrega seis aña pasa

Thursday, 02 February 2017 20:38
Comparti

Tin cosnan cu no mester haci politica cu dolornan di pueblo pero lider di MEP, Evelyne Wever Croes, no
ta consciente di e seriedad di casonan di abuso sexual contra menor di edad
y esaki ta di lamenta pero na mes momento condena tambe seriamente.
Parlamentario Desiree Croes de Sousa di fraccion di AVP ta cuestiona declaracionnan haci pa e lider di
MEP, kende hunto cu otro miembronan di su fraccion, kier trata di saca probecho politico for di e tipo di
casonan serio aki.
“Nos por a lesa den medionan di comunicacion, declaracion haci pa Evelyne Wever Croes, lider di MEP,
caminda e ta bolbe trece dilanti cu algun aña pasa e lo a entrega un iniciativa di ley aki na Parlamento
riba castigo minimo pa abuso di mucha.
Nos a papia riba esaki varios biaha caminda hasta dado momento nos a presenta un mocion cu a wordo
aproba pa mayoria den Parlamento, pa Minister di Husticia bay haci un investigacion riba introduccion
di un castigo minimo.
Minister a bin bek cerca nos pa mustra cu esaki no ta deseabel ya cu henter nos sistema di ley ta den
sistema di maximo di castigo y lo ta hopi straño pa duna net esaki su so, stipula n castigo minimo, lo
mester cambia esaki riba ‘de hele linie.’
Paisnan cu tabatin castigo minimo pa esaki manera Corsou y tambe Hulanda y mester bisa Francia
tambe, ta mustra cu e no ta resulta, e no ta duna tampoco locual un persona lo desea di mira como
castigo pa e malhechor.
Den caso di abuso di mucha, den e iniciativa di ley di Evelyne Wever Croes, juist ta poni tres aña como
castigo minimo y e cantidad cu a wordo duna recientemente den e caso caminda tin un sospechoso kende
a wordo haya sunu den auto c’un menor di edad, a wordo pidi tres aña y mey loke ta cuadra cu locual sra
Evelyne Wever Croes ta desea di mira cu su iniciativa di ley.
Pero nos a mira cu reaccionnan den comunidad, cu esakino ta suficiente tampoco pasobra tres aña, tres y
mey, bo no ta bay yega nunca na un cantidad di aña cu pueblo lo bisa, cu esaki ta cuadra cu e dolor causa
na e mucha.
Pa e motibo ey tambe nos tabatin pa hopi aña como castigo pa casonan di ‘ontucht’ c’un menor di edad,
ta ocho aña y despues di esey el a subi pa 12 aña y hasta ora cu ta trata di un familiar of un persona cu e
mucha ta confia, e lo por yega te na 16 aña.
Nos Minister di Husticia ta kere cu esaki mester ta asina halto of hasta e lo mester ta mas halto cu ora bo
mata un persona sin intencion, esta voorbedachte rade,’ ya cu nos ta kere cu na momento cu bo abusa di
un mucha, bo ta mata e iniciencia di e mucha.
E mucha aki lo no keda bon pa resto di su bida y ta algo cu a keda comproba y pesey tambe nos tabata
kier pa e castigonan ta cuadra cu e dolor causa.
Te ainda nos ta mira cu esaki no ta e caso, nos por lesa cu na Hulanda ta normal cu ta duna castigonan
hopi mas abou cu aki na Aruba, caminda nos a caba di wordo informa cu a duna un persona cu a abusa di
su yiunan pa hopi aña largo, tres aña di prizon y pa e cultura Hulandes, y mi ta bisa esaki cu tur cautela,
esaki lo ta suficiente.
Pero aki na Aruba, esey ta locual constantemente nos kier haci Fiscalnan ‘duidelijk,’ nos kier pa nan