Page 60 - MIN JUS

Mayoria di e Venezolano deteni pa un crimen, a drenta via di
Aeropuerto

Thursday, 02 February 2017 22:22
Comparti

Diaranzon ultimo y den oranan di merdia, nos a ricibi informacion cu minister Dowers ta
dunando un entrevista “live” na e frequencia radial 99.9, esta G-fm. Mirando e desaroyo di e
ultimo simannan aki,
caminda cu algun mensahe ta core tanto riba whatsapp como tambe rednan social, a dicidi di
bay pone e radio na dicho frequencia pa scucha kico e politico responsabel cu Husticia di nos
Pais, tin di bisa. Mester remarca cu e dos damanan cu a modera e programa a haci nan trabou
como reportera na un nivel profesional, ora a tende nan haci preguntanan directo y al caso na
minister Dowers. Puntonan cu sigur ta di gran importancia, pa pueblo haya sa, pero loke cu a
capta nos completo atencion ta henter e topico di e Venezolanonan. Por corda cu den pasado
ex-minister di turismo, sr. Oduber no tawata kier a duna niun comentario riba e asunto di
VISUM-plicht pa Venezolanonan. Despues cu e topico aki a cuminsa stoba meimei di
comunidad, e directora a sali duna un entrevista bisando cu e mercado di Venezuela ta
demasiado importante y cu pa e motibo ey, no ta kere ta prudente pa impone un Visum
plicht. Pesey cu awor cu minister Dowers a splica kico realmente a pasa, por fin nos por a caba
di compronde henter e asunto aki, cu prome cu esey tawata uno hopi misterioso.
Minister Dowers a cuminsa na splica, cu e problematica cu tin na Venezuela y a wordo puntra
na e mandatario kico ta wordo haci of lo bay wordo haci pa cu e problematica cu tin tanto
ilegal di dicho pais biniendo nos isla. Su exelencia a splica cu Venezuela nos mes ta testigo di
tur loke ta sosodiendo eynan y cu e Venezolanonan mes ta bayendo for di ey, pasobra na e
momentonan aki e ta imposibel pa nan gobierno por garantisa seguridad na e pais ey. Pesey cu
for di un prinipio a antisipa riba e problemanan ey y cu e consecuencia cu nan hendenan lo por
bin entre otro aki na Aruba. Nos a tuma varios medida di precaucion y cu a frena e binimento
di e Venezolanonan, pero teniendo na cuenta si, cu no ta tur hende cu ta bin for di Venezuela
ta bin pa haci malo, pasobra tin hopi di nan cu ta hendenan bon”, e minister a bisa. Un topico
di discucion tawata e VISUM plicht pa Venezuela mescos cu tawata tin pa Pais Colombia, cual
segun e mandatario cu e tawata kier esaki tambe pa Venezuela, na momento cu Hulanda a
cuminsa cu e discucion enuanto di e topico aki. “Tin hendenan di mi mesun gobierno cu awor
ta grita na algun media, cu nan sa mas mihor con pa garantisa seguridad, pasobra e la sali for di
AVP awor akinan, pero ora a discuti si ta bay pone VISUM-plicht pa Venezuela, manera cu
tawata tin pa Colombia, pa garantisa seguridad di nos cuidadanonan, e mesun persona akinan