Page 29 - HOH

ORANJESTAD(AAN)– “Boiler den edificio di un
hospital ta sumamente peligroso. Hasta pa uzo di boiler na cas, tin reglanan hopi
specifico pa mantencion y uzo di e boiler. Escape di gas y explosion ta posibel riesgo cu
boiler ta contene.”

Esaki ta parti di investigacion cu DIARIO ta haci relaciona cu e problema serio cu ta
presenta den hospital di Aruba y directamente ta relaciona cu bida di sernan humano.

“Na momento cu den edificio di hospital holo straño a presenta, mester a tuma medida
y tuma paso contra e boiler den edificio di hospital. Medidanan di siguridad estricto
mester wordo tuma ora tin un boiler den un edificio. Un boiler chikito den un cas por
causa explosion. Kico ta pasa cu un boiler grandi pa sirbi un hospital?”

Kico reglanan di siguridad den edificio cu ta uza boiler ta bisa? Por papia di siguridad
den un hospital cu tin un boiler?

Mientras mas preocupacion Aruba ta wordo ventila na Aruba pa loke ta pasa den
hospital, mas profundo DIARIO a dirigi su labor di investigacion.

Ta increibel e cantidad di regla cu ta subi mesa ora tin un boiler den un edificio. Mas

increibel ta, cu no a saca e boiler for di e edificio na momento cu alarma a wordo bati
pa holo.