Page 30 - HOH

“E situacion ta mucho mas serio cu ta pensa. A pone un boiler den edificio di e hospital.
Tin un holo cu ta causa malestar cerca hende. Ora ta papia di un holo cu tin impacto
riba hende, mester pensa riba gas. Ora ta papia di Diesel, e motibonan pa bati alarma
ta bira mas grandi. Pregunta serio ta surgi,” informantenan a duna di conoce.

DIARIO ta dispone di cantidad di literatura cu ta duna prueba di un situacion sigur di
preocupacion den e hospital di Aruba, caminda hende ta busca nan salu y bienestar.

“Un hospital tin hende malo. No por tin un sistema di tuberia cu ta permiti, cu of sin
mantencion optimal, cu awa por drenta. Cuanto pashent tin den hospital cu no por
move y ta drenta angustia grandi?” informantenan a duna di conoce.

Mas importante ta wordo considera e hecho cu si tin holo y ta papia di Diesel no ta
pensa riba peliger cu esaki ta nifica, sigur cu un boiler den e edificio.

DIARIO ta publica un di e pruebanan cu cual el a wordo confronta den su investigacion

y cu ta mustra cu algo sumamente serio ta pasa na hospital.

E prueba cu nos ta presenta awe ta indica con autoridad Mericano ta adverti pa e
peliger cu un boiler por nifica den un edificio di hospital.

Mester publica un potret di e boiler di Aruba. DIARIO a mira un propaganda cu ta papia
di un boiler den hospital na Aruba. E pregunta ta si esaki ta e boiler di Hospital pasobra
nomber di Aruba y HOH ta wordo menciona asocia cu e boiler aki.

DIARIO lo presenta cu mas informacion.

https://www.diario.aw/2019/10/boiler-den-hospital-ta-peligroso/