Page 2 - MIN VOS

4 Amazona di Aruba lo competi na Pereira den e Valida
Internacional di Equitacion

Thursday, 30 March 2017 13:48
Comparti

For di e asociacion Crines e jinete y amazonanan di Aruba a hanja un invitacion pa participa na e "Valida
Internacional de Equitacion" cual lo tuma lugar riba 1 y 2 di April na Coliseo Salomon Armel Londono na
Pereira, Colombia. E competencia aki lo tin un participacion di mas cu 200 jinete y amazona, den
categorianan cuminsando cu 2 anja di edad, y ta bay te cu categoria di amazona y jinete ariba 25 anja.

E amazonanan di Aruba cu lo ta presente ta Melanie Wever, cu na e mesun coliseo a titula Campeona
Mundial na anja 2014 den e categoria di amazonas 12-14 y na anja 2016 a sali Campeona Mundial den
categoria di 15-17 anja y lo ta en busca di un otro medalla. Zoey Arends y Elizabeth Johnson tur dos lo
competi hunto cu Melanie den e categoria di Amazonas Juvenil 15-17 anja, caminda ambos amazona tin
varios titulo local y internacional, caminda Elizabeth Johnson a caba di titulo Mehor Amazona den e
categoria di 15-17 na Aruba den e Feria Himno y Bandera, ademas di ta un finalista den e Mundial 2016
na Puerto Rico. Zoey Arends tabata e Mehor Amazona den e categoria di 15 -17 den e Feria Betico Croes
na Aruba y tambe ta un finalista den e Mundial di 2016. Pues Aruba lo ta bon representa pa loke ta e
categoria di Amazonas Juvenil. Den e categoria di Amazonas Aficionados tin Eva Pols, un otro amazona
cu tin hopi experienca internacional, caminda a competi diferente biaha na Pue rto Rico, como tambe na
USA y Colombia y a caba di titula Mehor Amazona na Aruba den e Feria di Himno y Bandera. Eva Pols lo
ta participa ariba diasabra, caminda e otro 3 amazona lo competi ariba diadomingo. Nos ta desea cada un
tur clase di exito.