Page 5 - MIN VOS

Ocho persona a risibí

diploma di lider di

deporte rekreativo

Published on March 29, 2017 in Boneiro
KRALENDIJK, Boneiro

Riba inisiativa di Indebon i proyekto integral di bario un total di ocho persona a risibí nan
diploma LSR 1 ( Leider Sportieve Recreatie ) di NSA ( Nederlandse Sport Alliante) for di
man di diputado Hellburg-Makaai i diputado Den Heyer. E diploma LSR ta un diploma
ku e persona por coach i fungi komo lider den tur ramo di deporte. Durante di entrega di
diploma na e lidernan nobo aki sr. Peter Silberie hefe di Indebon a duna di konosé ku
banda i e diploma di LSR 1,e personanan aki a pasa e kurso pa guia di stazjaire
organisá pa ROA ku éksito. Den futuro nan lo por guia stazjaire tambe.

Sentro di bario, Sr. Silberie a trese dilanti ku dentro di poko e personanan ku e diploma
aki lo bai trese tur loke nan a siña den praktiká den tur sentro di bario na Boneiru, tur e
personanan enbolbí lo kai bou di supervishon di e personal di Indebon. Ta e intenshon
pa rebibá sentro di barionan poniendo tur tipo di aktividat pa tur edat. Por mira ku
sentro di bario Tera kòrá ya kaba ta disponé di dos mesa pa tènis di mesa i material pa
wega di basket. Esaki ainda tin di ser instalá riba e kancha. Diputado enkargá ku
deporte sra. Rolanda Hellbug-Makaai den su palabranan a trese dilanti: “E meta di
gobièrnu ta pa aktivá tur sentro di bario ku mas tantu moveshon i aktividat i pa asina
traha huntu pa logra un mihó desaroyo pa nos hóbennan praktikando nan deporte
deseá.”

Diputado Nina den Heyer den su diskurso a enfatisá na e lidernan deportivo: “Kada kos
ku bo hasi tin su influensia i laga esaki ta positivo pa e hende den su bida pa asina por
logra mas pa nos hóbennan.” E personanan ku a slag pa e kurso di LSR 1 ta; Obed
Martis, Lutzairo Merenciana, Alsy Anthony, Jonathan Martijn, Ruvelio Josephia, Arelis
Mercera, Phenice Marbi Frans-Piar i Yori Hilgers