Page 15 - AWEMAINTA
P. 15
Diaranson, 31 juli 2019 AWEMainta 15
Accidente serio na Sero Pita cu varios herido
Chauffeur a wordo deteni debi cu e
tabata menasa tur hende cu morto
DIALUNA atardi algo pasa di 5’or varios
unidad di Polis, ambulance y Bombero a
bay panort di cruzada di Sero Pita, pa un
accidente di auto serio.
Na yegada Polis a constata cu tabata trata
di un auto so. E auto un Hyundai Elantra a
perde control debi na velocidad halto, y ta
bay termina den e mondi parti pariba.
Den e auto tabatin tres persona, di cual uno
segun nos por a compronde tabata seria-
mente herida.
Riba caminda di Paradera pa Piedra Plat
por a mira y scucha ambulance bayendo p’e
sitio di accidente.
Riba e imagennan nos por a capta e chauf-
feur, kende tabata bou influencia di algo y
tabata letterlijk menasa tur hende rond di
dje. Polis cu a mira cu e homber ta basta
agresivo y bou influencia, no a pensa dos bi-
aha y a pone den boei.
Paramediconan cu mester a trata cune a
pasa algun rato bastante fastioso, ora bo cu
mester yuda un pashent herida y na mes un
momento e kier bringa cu tur hende.
El a wordo poni den ambulance p’e haya
tratamento na Hospital y despues e lo wor-
do hiba Warda di Polis pa pasa resto di dia
den un cel y mester duna cuenta di su me-
nasa, incluso a menasa e Polisnan.
