Page 18 - BNDIA ARUBA
P. 18
A18 DEPORTE
Diabierna 7 December 2018
Clinica di coremento di speed coach Anthony Prior
ORANJESTAD - Un par di dia atras, un profesional den
e deporte di American football, Anthony Prior tabata
di vacacion na Aruba y a tuma contacto cu staf di Base-
ball Aruba pa asina organisa y a duna un clinica chikito
na e hobennan cu ta hunga baseball aki na Aruba.
Sr. Prior ta un ex-Pro di NFL, kende a hunga ultimo cu e
ekipo di Oakland Raider y den pasado a hunga cu Minnesota
Vikings y New York Jets. Actualmente, sr. Prior ta un Speed
Coach cu ta duna clinica rond di mundo na diferente ekip-
onan di futbol, baseball, softball y atletismo, riba e tema di
tecnica di coremento y velocidad. Aki ta caminda cu sr. Prior
a mustra nos peloteronan local e tecnica corecto cu lo duna
nan mas velocidad, pa asina por yega base mas lihe y core base
mas miho.
Sr. Prior ta contento y satisfecho di por a contribui na e desa-
royo positivo di e deporte di baseball na Aruba, y ta spera cu
den futuro e lo por bolbe bek pa asina por duna un clinica mas
grandi y mas amplio.
