Page 18 - AM190821

18 AWEMainta Diaranson, 21 Augustus 2019

Diadomingo anochi Sweet Pan Music Productions a presenta

E di tres edicion di:

‘Honor to Connor Steelband Celebration’

E celebracion aki tabata un anochi di homenahe n’e Legend-
ario sr. Edgar Connor (d.f.m.) kende ta pionero, legendario den

musica steelpan fundador di e famoso ‘Aruba Invaders Steel Or-

chestra’.
E conocido Melvin Garcia a fungi como animador y Maestro di

Ceremonia. E studiantenan di ‘Aruba Panman Foundation’ bou

direccion di Angel Hazel y Lee Connor, a habri e anochi musical
cu e ‘stage fear’ domina, nan a haci nan presentacion y laga e

publico disfruta di nan entusiasmo cu nan tin pa nan instrument
di steelpans.

A sigi Touch of Steel, Nico Connor acompaña pa Ivan Quandus
y Michael Odor hunto cu ‘NLG Dancers’. E anochi a continua cu

presentacion di ‘Quiver Quips Steel Orchestra’ y na final ‘The
Aruba Invaders’ bou direccion di rumannan Nico y Lee Connor cu

a wordo acompaña pa ‘Carnaruba’ cu nan trahenan mahestouso

di Carnaval.
Durante e anochi a duna reconocimento na 4 persona cu a con-

tribui n’e mundo di Steelpan aki na Aruba, sr. Tico Kock fun-

dador y integrante di ‘Touch of Steel’ cu na 2020 lo cumpli 30
aña, sr. Michael Odor, sr.Ivan Quandus cu tin añanan ta traha

conhuntamente cu Nico den studio y tambe riba escenario nan ta

forma parti di mayoria di Nico su produccionnan, y por ultimo sr.
Francis Ridderstap ‘Leisure Manager’ di Tamarijn y Divi Aruba

All Inclusive Resorts, kende a habri porta pa hopi musico pa pre-
senta na hotel tambe rumanan Connor y particularmente Nico

Connor cu a cuminsa toca na Tamarijn y Divi for di 1994.

Francis Ridderstap semper ta dedica na su asociadonan cu ta

traha cu ne, y sa pa duna nan compliment semper ta encurasha
su hendenan pa nan keda bay dilanti den bida. Tabata un ano-

chi sublime, un anochi mahestral unda e publico a yega na gran

cantidad, n’e amfiitheatro Edgar Connor, na Paseo Herencia
completamente yen cu nos hende local y turistanan. E publico en

general a sa di disfruta di e di tres edicion di ‘Honor to Connor

Steelband Celebration’ den forma grandi.

Famia Connor ta felicita tur esnan cu a ricibi nan homenahe, ta

gradici tur grupo, musico y bailadonan cu a duna nan tremen-
do presentacion. Y nan ta sumamente agradecido p’e sosten di

pueblo di Aruba.