Page 56 - AHATA

como tambe pa esunan na caminda. Por bisa na e momento aki FMA ta contento y satisfecho
cu tur 3 museo, cada un cu nan propio identidad cu ta hopi exitoso.

Di su banda presidente di e board, Sr. Lincoln Gomez a menciona cu na Aruba nos tin falta di
hopi mas museo y cu ta trahando riba esey. Na museo di Comunidad bo ta haya e combinacion
di e balornan cultural y historico y den e caso aki di Nicolaas Store, ta poniendonan hunto unda
cu den pasado caba tawata un punto central unda hopi hende tawata bin topa, papia,
intercambia sin e uso di whatsapp. Segur Sr. Gomez treciendo e museo aki ta crea e
posiblidadnan aki bek, di por bai un caminda pa tende no solamente e storianan di dia, pero

door di ta rondona di tur e artefactonan, e lo crea e posibilidad pa muchanan, hobenan of
adultonan haya oportunidad pa intercambia riba e temanan aki di pasado.

Museo Di Comunidad tin awor aki artefactonan historico pero na e piso ariba tambe por wak
artefactonan produci door di nos artistanan actual, esey kiermen e ta un combinacion di pasado
y presente. E mision ta pa percura pa mas hopi hende posibel drenta e museonan pa wordo
informa, educa y inspira. Hunto cu esey nos ta conciente cu un bishita pa museo no lo ta e

prome cos riba agenda di tur hende, pero di FMA su banda lo keda hinka tempo, dedicacion y
promocion pa logra esey. Actualmente entre otro riba dia 18 di maart y dia di betico cu ta e
dianan den cual henter e team di FMA ta riba pia pa motibo cu esakinan ta dia nan cu e
comunidad ta liber y e chance ta grandi cu nan lo bishita un museo. Por mira esaki tambe
segun cifranan cada aña cu door di organisa eventonan e number di bishitante ta subi.

E museo di comunidad ta consisti di 2 piso. Abou ta e artefactonan historico hunto cu e cafe
unda bo por come y bebe algo y ariba tin e sala unda cu por haci reunionan, tin acceso na
aparatonan audio visual, airco, wifi y hunto cu ne e oportunidad pa bishita e museo. Finalisando
Sr. Gomez a pidi e comunidad pa no tarda largo y bishita e museonan pasobra e ta garantisabo

cu na mita caminda di e tournan cu ta wordo guia pa personanan cualifica den e materia, lo bo
haya sa asina tanto cos cu bo lo puntra bo mes dicon bo a tarda asina hopi.

Pa finalisa Sr. Frank Croes a bisa di ta hopi satisfecho cu e desaroyonan cu ta tumando lugar
pa cu e museonan unda cu a pone confianza den un team hoben cu a demostra nan
entusiasmo y capacidad di por guia y maneha e museonan den un forma hopi dinamico. Y esey
ta resalta den number di asistencia na museonan cu ta keda subi. E team a sa di ehecuta e

vision di e board pa por conserva cierto partinan di nos cultura y tambe duna e educacion
necesario na e pueblo di Aruba y na tur esnan cu no sa di nos historia. Nos historia ta hopi rico
y ta keda na nos pa tene bibo den e parti educativo di dje y pa desaroya loke cu ta e parti
actual. Y p'esey bo ta haya e intercambionan di pasado y presente den obra artistico. Pa
mustra e desaroyo cultural na Aruba.