Page 61 - AHATA

Nos tabata hunto cun’e den un area, caminda pronto lo cuminsa cu un hotel. Pero tur cos

ta depende di pueblo tambe. Arends a splica cu Raiz, den e ultimo eleccion a bay

campaña cu e topico pa introduci un moratorio, mirando cu ya caba a yega e capacidad di

camber como isla, y pa e motibo ey, ta di opinion cu mester atene nos mes na un

moratorio, drecha loke ta sangrando awor aki, para e sangramento y asina ey, drecha nos

propio isla prome cu por pensa di haci turistanan feliz. Ta asina cu na Mei 2010, e

fraccion di AVP a entrega un mocion den parlamento caminda cu nan a pidi pa un
introduccion di un moratorio. Dia 20 di April ultimo, fraccion di MEP, POR y RED,

carga pa 12 parlamentario a vota pa aproba un otro mocion pa loke ta introduci un

moratorio na Aruba, pero lamentablemente, apenas cinco luna despues, nos por mira cu e

gobierno actual, gobernantenan tradicional, ta bezig ta preparando pa compromete nos

isla na mas di 4000 camber, den e proximo 4 añanan.

E lo bin cu su problemanan social y tambe na e bienestar social di nos como pueblo.

Mirando cu como 17 mil hende mester imigra pa yena e cupo di trabao cu e hotelnan aki

lo crea, ya caba por mira cu e klasnan no por carga mas mucha. Na specialista, rijnan ta

largo. Mester warda tres luna pa por wordo atendi. Turistanan ya caba ta keha cu e

beachnan ta satura.

Taxista y turistanan ta keha con congestiona nos isla a bira. Ta pa e motibo ey Raiz ta sali
na defensa di pueblo, mirando cu pa hopi tempo caba pueblo ta pidi pa un introduccion di

un moratorio y no mas camber di hotel. Lamentablemente e oido y deseo di pueblo, no ta

wordo scucha. Pa e motibo ey diadomingo awo, 30 di September pa 5’or y mey di atardi,

Raiz lo tene un marcha pasivo pa asina nan cuminsa colecta di firma pa un peticion di

moratorio riba e beach entre Riu Antillas y Divi Phoenix. Manera cu nos gobieno ta opera

y nos leynan ta hinca den otro, si por yega na un total di 10 mil firma, tanto gobierno y

parlamento mester atende cu e peticion. Esey ta loke ta boga p’e pa pueblo por firma e

peticion aki. E moratorio aki ta contra tur hotel, timeshare y condominium nobo.