Page 10 - MIN SOC

bo no ta mira tur e buraconan ni e calidad di e caminda?” Di mes mi tabata sa
cu tabatin buraco den caminda y cu hopi caminda ta parce un deken di pida
asfalt pega na otro. Pero mi no tabata sa miho: hopi caminda simplemente

tabata den un estado deplorabel pero pa hopi decada mi a acepta esey como
‘normal’.

Mi no ta forma ningun excepcion. Hopi di nos sa cu tin mas asunto robes na nos
isla, pero tur esey nos (t)a acepta sin mucho problema. Manera turista nos ta

gosa di solo, lama, beach, biento, e temperatura agradabel, e hendenan amabel
y tur e posibilidadnan pa hiba un bida trankil. Y si ya caba bo a biba henter bo

bida aki, bo ta ripara e aumento di hende y comercio, pero bo por biba cu nan.
Pues, na prome bista Aruba ainda ta ‘cool’. Pero, cada bes mas por ripara
buraco y scheur den e imagen ey.

Caminda malo, edificio sin verf y decai, servicio di Gobierno lento y ineficiente y
un Gobierno corupto ta cuadra bon den e imagen hopi biaha romantico cu

hende tabatin di isla tropical. Tur esey tabata forma parti di dje. Locual lo ta
inaceptabel na pais mas grandi y desaroya, a considera aki mas bien como parti

di e ‘cultura’.
Ya pa basta aña Aruba ta purba presenta su mes como e isla mas desaroya den

region di Caribe. Pa gran parti e (t)a logra den esey. Den comparacion cu
Aruba, mayoria di pais tin un caminda largo pa bay ainda. Riba su mes esey no
ta nada straño: refineria di Lago y despues e industria turistico tabata un

estimulo grandi pa economia. Esey a trece cierto desaroyo y prosperidad pa
poblacion.

Pero awendia e apariencia ta mas fuerte cu e realidad. A pesar cu nos –atrobe
den comparacion cu otro isla den nos regio- ainda ta presta rasonablemente

bon, e pregunta ta si di berdad nos ta haya a calidad di servicio cu nos por
spera a base di nos economia y nos contribucion na impuesto. Por ta cu e ora

ey nos no lo considera como ‘normal’ cu nos camindanan ta den un estado asina
deplorabel. Esnan cu a yega di core riba caminda na Europa sa cu e
comparacion cu e camindanan na Aruba ta totalmente for di balanse. Mescos ta

conta pa e calidad di scol, e eficiencia di servicio di gobierno, e integridad di
Gobierno/gobernante, e siguridad, etc. Por ehempel, e manera con aki e circo di

number di auto ta tuma luga aña aden, aña afo, ta surpasa completamente e