Page 11 - AWEMAINTA
P. 11
Diaranson, 19 September 2018 AWEMainta 11
Minister di Transporte a ordena medidanan di seguridad
mas estricto pa busnan di Arubus
DESPUES di e sucedido lamentabel di diabi-
erna ultimo, unda cu un bus di compania es-
tatal di transporte, Arubus NV, a pega candela
riba caminda, un rumor a cuminsa circula cu
e chauffeurnan lo kier a welga y pone trabou
abou dialuna.
Inmediatamente Minister di Transporte, sr.
Chris Romero, a mobilisa p’asina logra sinta
na mesa cu e trahadornan cu ta representa pa
sindicato STA.
Minister Romero semper a boga pa dialogo,
como cu e ta kere fervientemente cu e ta algo
necesario y importante den cualkier situacion
cu presenta.
Aki ta unda a logra un reunion entre Hunta
Directiva di Arubus NV, cu Minister a institui,
y sindicato STA.
Di e manera aki Minister Chris Romero a no-
tifica nos comunidad cu dicho protesta a keda
cancela y asina tur actividad di transporte pu-
blico a continua cu total normalidad.
Mas cu claro, Minister Chris Romero a instrui
esnan encarga pa tuma medidanan di seguri-
dad mas estricto pa por garantisa trankilidad
na tur usuario di Arubus su servicionan.
Inmediatamente a saca for di circulacion e
otro busnan di e mesun model y aña di fabri-
cacion, cu e intencion pa pasa den un inspec-
cion riguroso p’asina tuma un desicion di kico
lo haci cu nan, cual tambe lo bay haci cu e otro
busnan cu tin den circulacion.
Aworaki ta wardando e raportnan tanto di
Brandweer y di BFTO keda cla p’asina sa ex-
actamente kico tabata e causa di e incendio.
Minister Romero semper a kere den dialogo
como e vehiculo principal pa soluciona mal
comprondemento y problemanan cu semper
por surgi den cualkier aspecto di bida.
N’e momentonan aki tin un bon palabracion
haci entre Hunta Directiva y sindicato STA
encuanto e accionnan cu ta tumando lugar
caba y lo mester tuma lugar ainda den Arubus
NV. Asina aki, den conhunto y cu cooperacion
di tur partido concerni, nos lo logra soluciona
tur e retonan cu Gabinete Wever-Croes a haya
ora di asumi e riendanan di nos pais.
