Page 23 - AWEM4MAY2017

AWEMainta Diahuebs, 4 Mei 2017 23

Mas o menos 20 boto miniatura crioyo a subi awa

Tremendo competencia di Boto Miniatura

Crioyo a tuma luga riba Dia di Trahador

PA cu e invitacion di 7 aña di existencia, fundacion Rancho
a organisa un competencia di boto miniatura riba Dia di
Trahador. Inscripcion a cuminsa mainta trempan.
For di 8’or di mainta participantenan a bin inscribi nan
boto crioyo p’asina por competi. Interesadonan a disfruta
di e competencia unda mas o menos 20 boto miniatura a
subi awa. Henter parti mainta y merdia a mira botonan di
diferente tamaño a compete cu otro dilanti cas di Coberna-
dor. E actividad aki ta e prome actividad pa aña 2017 cu
fundacion Rancho ta organisa pa cu tema Boto Miniatura.

Kinan e resultadonan di e competencia di boto miniatura:
Den catagoria 30cm a sali na prome lugar: Jayvin Quandt;
na di dos lugar: Aymara Franken; y na di tres lugar: Patrick
Domacasse.
Den catagoria 35cm a sali na prome lugar: Mai Lampe; na
di dos lugar: Patrick Domacasse; y na di tres lugar: Patrick
Domacasse.
Den catagoria 40cm a sali na prome lugar: Mai Lampe; na di
dos lugar: Carlos Quandt; y na di tres lugar: Sergundo Cuelle.

Fundacion Rancho kier gradici CEDE Aruba tur e apoyo
cu ricibi.
A propone “Boto Miniatura” como material intangibel y
actualmente ta preparando un workshop p’asina cuminsa
cu e proyecto “Boto Miniatura Crioyo”.
Keda pendiente pa mas informacion of tuma contact na
noticia@stichtingrancho.org.