Page 22 - AWEM4MAY2017
P. 22
22 AWEMainta Diahuebs, 4 Mei 2017
Family Connection
Racing Team di Aruba
sumamente satisfecho
cu e performance
di nan coredornan
DURANTE fin di siman cu ta tras di lomba e team di Aruba Family
Connection a biaha pa Corsou cu tres Jr. Dragster p’asina participa
den Curacao Extreme Drag Fest 2017, cu tabatin participation di
Colombia, Aruba, Corsou, Puerto Rico y Venezuela.
E prome anochi e coredor di mas chikito di Family Connection, esta
Ayshelyn “Tutsie” Trimon, a core y a bay su prome careda y a logra
bay cu e titulo di Sub-Campeon y Campeon a bay pa Jeannick Ras di
JR Madness.
Den e di dos anochi Ergie Curie a logra bay cu e titulo di Campeon y
Jeannick a sali Sub-Campeon. E di tres dia, cu ta dia final Rygienne
Curie ta marca miho reaction time y ta titula Campeon y lagando
Tutsie como Sub-Campeon.
Mester remarca cu e muchanan a train duro durante siman p’asina
logra un bon “reaction time” na ora di salida y esaki tabata e fruto di
e resultadonan. Family Connection Team ta sumamente orguyoso di
e muchanan y ta sigui pushanan den e deporte di Drag Race.
Family Connection Racing Team kier a gradici Kuzeta Aruba – Shell
Helix pa kere den nos muchanan, danki na organisacion di Curacao
Extreme Drag Fest pa e invitacion y “last but not least” danki na ful e
crew di Family Connection Racing Team cu a yuda p’asina e muchanan
por a bay bon representa na Curacao Extreme Drag Fest 2017.
