Page 31 - AWEM4MAY2017

AWEMainta Diahuebs, 4 Mei 2017 31

Atletanan di Synchro

a pasa nan diploma!

DE Barracudas, cu e unico team di Landamento Sin-
cronisa na Aruba, a bolbe tene nan test pa diploma.
Cada aña na luna di september ta cuminsa cu un
grupo nobo di atletanan, conoci como “Beginners”
cu ta train 3 biaha pa siman bou guia di Coach Yami
Romay y Coach Nathania Taylor.

For di principio cu e atletanan aki ta cuminsa, nan ta
siña e tecnicanan necesario pa por ehecuta e deporte
aki na un bon nivel.

Mas o menos cada 3 luna ta test e atletanan y unda
nan por haya e Ddiploma Star. E biaha aki tabatin 2
atleta cu a pasa Star 2, esta Sendy Loefstop y Naylani
Sanchez, y 6 atleta cu a pasa Star 3, esta Zianthe
Kock, Adriana Gomes, Mileishka Montilla, Quintessa
Sophia, Xiana Hoo y Maria Jose Salazar.

Sra. Stella Leslie, sra. Candi Peña de Sanchez y sra.
Memita Tromp- Gomez tabata e tres hueznan cu ta-
batin e tarea difícil pa huzga e abilidad di e atletanan .

Barracudas ta manda palabra di pabien na tur Begin-
ner cu a ricibi Star 2 y 3. Alabes desea tur e atletanan
di Beginners hopi exito cu training p’e siguiente Star
cu lo ta na luna di juni 2017.
Tambe na luna di mei tin e Campeonato National
unda e grupo nobo aki lo competi pa prome biaha cu
figuras y rutina! Keda pendiente pa mas informacion
tocante esaki.

Barracudas Aruba tambe a lansa su website cu tin
tur informacion tocante di Synchro. E website di
Barracudas ta www.barracudasaruba.com
Pa mas informacion tambe por subi riba Barracudas
Aruba su pagina di Facebook.